Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

მუსლიმების გენოციდის გამო აუნ სან სუ ჩის Amnesty International-მა ჯილდო ჩამოართვა

კატეგორია: მოვლენები 
2018-11-13

ადამიანის უფლებათადამცველმა საერთაშორისო ორგანიზაციამ, Amnesty International-მა მუსლიმების გენოციდის გამო მიანმარის ლიდერს, აუნ სან სუ ჩის "სინდისის ელჩის" ჯილდო ჩამოართვა. ეს ორგანიზაციის უმაღლესი ჯილდოა, რომელიც მიანმარის ლიდერმა 2009 წელს მიიღო.

 

ორგანიზაციის გენერალურმა მდივანმა, კუმი ნაიდუმ განაცხადა, რომ აუნ სან სუ ჩიმ არ გამოიყენა თავისი პოლიტიკური და მორალური ავტორიტეტი, რათა შეეჩერებინა როჰინჯი მუსლიმების გენოციდი, რომელსაც მიანმარის არმია ხელმძღვანელობს.

 

აუნ სან სუ ჩი 2016 წლიდან მიანმარის საგარეო საქმეთა მინისტრი და სახელმწიფო მრჩეველია, რაც პრემიერ-მინისტრობას უტოლდება. ამ ეტაპზე ქვეყანაში ხელისუფლებას არმია აკონტროლებს.

 

Amnesty International-ის განცხადებით, აუნ სან სუ ჩის ადმინისტრაციამ ხელი შეუწყო სიძულვილის გაღვივებას როჰინჯი მუსლიმების წინააღმდეგ, ის უარყოფდა გენოციდზე ბრალდებებს და ხელს უშლიდა საერთაშორისო გამოძიებებს.

 

 

აუნ სან სუ ჩიმ მსოფლიო ყურადღება სწორედ ადამიანის უფლებებისთვის ბრძოლით მიიპყრო. 1988-2010 წლებში თავისი პოლიტიკური მოღვაწეობის გამო 15 წელი შინაპატიმრობაში იყო. 1991 წელს გახდა ნობელის პრემიის ლაურეატი მშვიდობის დარგში.

 

 

გათავისუფლების შემდეგ მას სხვადასხვა თანამდებობა ეკავა, თუმცა სახელმწიფო მრჩეველად გახდომის შემდეგ, ფაქტობრივად, ქვეყნის მმართველ გახდა. როჰინჯი მუსლიმების კრიტიკის გამო ის არაერთხელ მოექცა კრიტიკის ქვეშ და საპატიო ჯილდოები ჩამოართვეს. 2007 წელს კანადის პარლამენტმა აუნ სან სუ ჩის კანადის საპატიო მოქალაქეობა მიანიჭა, რომელიც როჰინჯი მუსლიმების გამო 2018 წელს ჩამოართვა.

 

 

როჰინჯი მუსლიმები

 

2017 წლის აგვისტოში განახლდა მიანმარში როჰინჯების წინააღმდეგ ძალადობრივი ქმედებები, რის შედეგადაც 25 ათასი როჰინჯი დაიღუპა, ხოლო 700 ათასი ბანგლადეშში გაიქცა. გამოძიების ჰააგის სასამართლოს გაერომ თავის ანგარიშში მოუწოდა.

 

სისხლის სამართლის საერთაშორისო სასამართლომ მიანმარში როჰინჯი მუსლიმების დევნის საქმის წინასწარი მოკვლევა დაიწყო. ამას შესაძლოა, მოჰყვეს გამოძიება სამხედრო დანაშაულის.

 

აგვისტოში მიანმარის ხელისუფლებამ უარყო გაეროს ანგარიში, რომლის მიხედვითაც ორგანიზაცია გენოციდში მონაწილე სამხედრო მოსამსახურეების დასჯას ითხოვდა. არმია როჰინჯების კრიზისში თავს დამნაშავედ არ მიიჩნევს.

 

მიანმარი რომის სტატუტის ხელმომწერი არ არის, რაც ნიშნავს, რომ ჰააგის სასამართლოს იურისდიქცია იქ ვერ გავრცელდება. თუმცა მათი თქმით, ბანგლადეში, რომელიც როჰინჯების თავშესაფრად იქცა, სტატუტის ხელმომწერია, ამიტომაც სისხლის სამართლის საერთაშორისო სასამართლოს აქვს მოქმედების უფლება.

 

 

 

 


წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

თბილისში საკრებულოს წევრ ქალთა ფორუმის მე-6 ყოველწლიური კონფერენცია მიმდინარეობს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker