Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

პოლიტკოვსკაიას სახელობის პრემიის ლაურეატები წელს სვეტლანა ალექსიევიჩი და ბინალაქშმი ნეპრამი გახდნენ

კატეგორია: გენდერი მსოფლიოში 
2018-10-05

2006 წლიდან (ამ წელს მოკლეს ანა პოლიტკოვსკაია) უფლებადამცველი ორგანიზაცია "ხელი გაუწოდე ყველა ქალს ომში" (RAW in War - (Reach All Women in War) გასცემს პოლიტკოვსკაიას სახელობის პრემიას.

 

ჯილდო წელს მეთორმეტეჯერ გაიცემა და მისი ლაურეატები  უფლებადამცველი ინდოეთიდან ბინალაქშმი ნეპრამი და ბელარუსიელი გამომძიებელი ჟურნალისტი, მწერალი სვეტლანა ალექსიევიჩი გახდნენ. როგორც ოფიციალურ რელიზში წერია მათ ეს ჯილდო „თავიანთ რეგიონებში  შეიარაღებული კონფლიქტების დროს უსამართლობის, ძალადობის და ექსტრემიზმის წინააღმდეგ გაბედული ქმედებების გამო“ მიიღეს.

 

 

ბინალაქშმი ნეპრამი წარმოშობით ინდოეთის შტატ მანიპურიდანაა, რომელშიც კონფლიქტი 70 წლის განმავლობაში გრძელდება. 2007 წელს, უფლებადამცველმა შექმნა ორგანიზაცია "ქალები მანიპურიდან - შეიარაღებული კონფლიქტის მსხვერპლები" (Manipur Women's Gun Survivors Network), რომელიც 20,000 დაზარალებულ ქალს დაეხმარა. სიცოცხლის მოსპობის საფრთხის გამო, ნეპრამი იძულებული გახდა დაეტოვებინა ინდოეთი.

 

 

 

სვეტლანა ალექსიევიჩი 2015 წელს ლიტერატურაში ნობელის პრემიის ლაურეატი გახდა "მრავალხმოვანი შემოქმედებისთვის". ის მრავალი წლის განმავლობაში პოსტსაბჭოთა სივრცეში  უსამართლობას ეწინააღმდეგება და ყველა იმ ადანიანის სახელით ლაპარაკობს, ვინც წარსულში და აწმყოში კონფლიქტის მსხვერპლია. იგი ღიად აკრიტიკებს ყირიმის ანექსიას, აღმოსავლეთ უკრაინის კონფლიქტში ადამიანის უფლებათა დარღვევებსა და უკრაინაში მზარდ ნაციონალიზმს.

 

 

დაჯილდოვების ცერემონიალი ლონდონში 2019 წლის მარტში ჩატარდება და  ქალთა მსოფლიო ფესტივალის ნაწილი გახდება.

 

 

ორგანიზაცია RAW in War 2006 წელს დააარსა მარიანა კაცაროვამ, რომელიც მანამდე ორგანიზაცია „ამნესტი ინტერნეიშენალში“ მუშაობდა რუსეთისა და ჩეჩნეთის საკითხებზე. მისივე იდეა იყო ანა პოლიტკოვსკაიას სახელობის პრემიის შემოღება.

 

ანა პოლიტკოვსკაიას სახელობის პრემიით დაჯილდოვებულებს შორის იყო პოლიტკოვსკაიას მეგობარი, უფლებადამცველი ნატალია ესტემიროვა, რომელსაც 2007 წელს მიენიჭა ეს ჯილდო. 2009 წელს ესტემიროვა მოკლეს.

2013 წელს პრემია პაკისტანელმა აქტივისტმა და უფლებადამცველმა მალალა იუსაფზაიმ მიიღო.

წინა გვერდი 

Webmaster

 

ანონსები

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

სამუშაო შეხვედრა ზუგდიდში მომუშავე ადგილობრივ არასამთავრობო ორგანიზაციებთან

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

1325-ის ლოკალიზაცია: სამოქალაქო ფორუმი ზუგდიდში

ერთადერთი ქალი საპრეზიდენტო კანდიდატი ქალთა უფლებებზე დისკუსიას არ დაესწრო

საქართველოს ეროვნული ბანკი კომერციულ ბანკებს გენდერულ კვოტას უწესებს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ინტერპოლმა სუდანში 85 ბავშვი ტრეფიკინგისგან იხსნა

საბერძნეთში ბავშვებით ვაჭრობაში ბრალდებული საქართველოს მოქალაქე დააკავეს

საქართველოში 17 ათასი მონაა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker