Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ადამიანის უფლებათა კომიტეტმა გენდერულ კვოტირებას მხარი დაუჭირა

კატეგორია: ექსკლუზივი 
2017-09-11

ქალთა პოლიტიკური მონაწილეობის სამუშაო ჯგუფის ინიციატივას, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა პირველი მოსმენით მხარი დაუჭირა. ინიციატივას რვა მომხრე და ერთი მოწინააღმდეგე ჰყავდა.

 

კანონპროექტის მიზანია, პოლიტიკური პარტიებისათვის სავალდებულო გენდერული კვოტირების დროებითი ნორმის შეტანის გზით, წარმომადგენლობით ორგანოებში გენდერული ბალანსის გაუმჯობესება.

 

ეს არის არანაკლებ 30 000 ამომრჩევლის მიერ საკანონმდებლო ინიციატივის წესით წარმოდგენილი საქართველოს ორგანული კანონის პროექტი, რომელიც გულისხმობს ცვლილებებს 2 კანონში: „საქართველოს ორგანულ კანონსა" და „საქართველოს საარჩევნო კოდექსში“.

 

ინიციატივა ითვალისწინებს, რომ პარტიებმა პროპორციულ სიაში ყოველი მეორე განსხვავებული სქესის ადამიანი ჩასვან. იმ შემთხვევაში, თუ ისინი მოთხოვნებს არ დაიცავენ, დაუდგინდებათ ხარვეზი. ამ ხარვეზის შევსების შემდეგ საარჩევნო ადმინისტრაცია პოლიტიკურ პარტიას დაარეგისტრირებს.

 

რაც შეეხება უფლებამონაცვლეობის საკითხს, ინიციატივის მიხედვით, თუ ქალს ვადაზე ადრე შეუწყდება მანდატი, მას ჩანააცვლებს პარტიის იმავე სქესის წარმომადგენელი. კვოტირების წესი როგორც საპარლამენტო არჩევნებზე, ისე მომავალში თვითმმართველობის არჩევნებზეც სავალდებული იქნება.

 

კანონპროექტს მხარი არ დაუჭირა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოადგილემ გედევან ფოფხაძემ.

 

 

 

„კვოტირებასთან დაკავშირებით არანაირ ინიციატივას მხარს არ დავუჭერ, სულ ვაფიქსირებდი ამ პოზიციას. ეს არის ჩემი პრინციპული მიდგომა, წინააღმდეგი ვარ ნებისმიერი ნიშნით კვოტირების შემოღების. მართალია კომიტეტის მხრიდან დადებითი შეფასებაა ამ საკანონმდებლო ინიციატივის მაგრამ მე ხმას არ მივცემ“, - განაცხადა მან საკომიტეტო მოსმენისას.


  

 

გარდა ადამიანის უფლებათა დაცვისა და სამოქალაქო ინტეგრაციის კომიტეტისა, ინიციატივა რეგიონული განვითარებისა და იურიდიული კომიტეტების სხდომაზეც უნდა განიხილონ.

 

არასამთავრობო და საერთაშორისო ორგანიზაციებისგან შემდგარმა ქალთა პოლიტიკური მონაწილეობის სამუშაო ჯგუფმა (Task Force) საქართველოს პარლამენტში კანონპროექტი 12 ივნისს შეიტანა, რომელსაც ხელს აწერს საქართველოს მასშტაბით 37 455 ამომრჩეველი. ის გულისხმობს დროებითი ზომების მიღებას ქალთა პოლიტიკური მონაწილეობის გასაზრდელად.

 

 

ტეგები: ქალები პოლიტიკა გენდერული კვოტირება პარლამენტი

წინა გვერდი 

Webmaster

 

ანონსები

საქართველოს პირველი კორპორატიული ჩემპიონატი ჭადრაკში

სამუშაო შეხვედრა ზუგდიდში მომუშავე ადგილობრივ არასამთავრობო ორგანიზაციებთან

საკონსულტაციო შეხვედრა მარნეულის არასამთავრობო ორგანიზაციებთან

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ასპინძის მუნიციპალიტეტში გენდერული თანასწორობის სამოქმედო გეგმა დაამტკიცეს

ლაგოდეხის მუნიციპალიტეტში გენდერული თანასწორობის სამოქმედო გეგმა დაამტკიცეს

ხობის მუნიციპალიტეტში გენდერული თანასწორობის სამოქმედო გეგმა დაამტკიცეს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

საბერძნეთში ბავშვებით ვაჭრობაში ბრალდებული საქართველოს მოქალაქე დააკავეს

საქართველოში 17 ათასი მონაა

ინდოეთში დედა ტერეზას საქველმოქმედო დაწესებულებას ბავშვებით ვაჭრობაში ადანაშაულებენ

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker