Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

გენდერული თანასწორობის პრინციპების დანერგვა მუნიციპალურ პრაქტიკაში

კატეგორია: ექსკლუზივი 
2017-03-31

31 მარტს ბათუმში იმართება კონფერენცია ადგილობრივი თვითმმართველობის დონეზე გენდერული თანასწორობის პრინციპების დაცვის შესახებ. კონფერენციაში მონაწილეობას იღებენ სამეგრელოს რეგიონის შვიდი მუნიციპალიტეტის, აჭარის ავტონომიური რესპუბლიკის უმაღლესი საბჭოს და ასევე  თბილისისა და ბათუმის თვითმმართველობების წარმომადგენლები. სამეგრელო და აჭარა საქართველოს პირველი რეგიონებია, სადაც, თბილისისა და ბათუმის მსგავსად, გენდერული თანასწორობის პრინციპები მუნიციპალურ პრაქტიკაში დაინერგება.

 

კონფერენცია ტარდება ქალთა საინფორმაციო ცენტრის ორგანიზებით, გაეროს განვითარების პროგრამისა (UNDP) და  შვედეთის მთავრობის ხელშეწყობით, გენდერული თანასწორობისათვის გაეროს ერთობლივი პროგრამის ფარგლებში.  

 

კონფერენციას გახსნის ბათუმის მერი - გიორგი ერმაკოვი,  ქალთა საინფორმაციო ცენტრის დირექტორი - ელენე რუსეცკაია და გაეროს განვითარების პროგრამის (UNDP) პროექტის მენეჯერი - მაკა მეშველიანი.

 

გენდერული თანასწორობის პრინციპების დანერგვა საქართველოს თვითმმართველობაში თბილისიდან და ბათუმიდან დაიწყო. ეს ქალაქები წარმატებით იყენებენ ისეთ ორგანიზაციულ და ფინანსურ მექანიზმებს, როგორიცაა, მაგალითად, გენდერული საბჭოების დაარსება. კონფერენციის მსვლელობაში თბილისისა და ბათუმის თვითმმართველობების წარმომადგენლები თავის გამოცდილებას გაუზიარებენ სამეგრელოს რეგიონის მუნიციპალიტეტებს, სადაც გენდერული თანასწორობის პოლიტიკის გატარებისათვის საჭირო მექანიზმები და მიდგომები უახლოეს მომავალში დაინერგება.

 

კონფერენციაზე განხილულ საკითხებს შორის ასევე არის გენდერული თანასწორობის მიღწევისათვის საჭირო ინსტიტუციური მექანიზმები და თვითმმართველობების ახალი ვალდებულებები გენდერული თანასწორობის კანონში შესული ცვლილებების გათვალისწინებით.

 

კონფერენციაში მონაწილეობას იღებენ ბათუმის მერიის, საკრებულოს, გამგეობის და აჭარის ავტონომიური რესპუბლიკის უმაღლესი საბჭოს, თბილისის და სამეგრელოს მუნიციპალიტეტების, პარლამენტის გენდერული თანასწორობის  საბჭოს სამდივნოსა და ადგილობრივი არასამთავრობო ორგანიზაციების წარმომადგენლები.  

 

ტეგები: გენდერული თანასწორობა მუნიციპალიტეტები ქალთა საინფორმაციო ცენტრი

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

12 მინისტრი ქალი და 7 კაცი - ფინეთს ახალი მთავრობა ჰყავს

ფინეთს მსოფლიოში ყველაზე ახალგაზრდა პრემიერმინისტრი ეყოლება

ნიდერლანდებში კომპანიებს საბჭოებში ქალთა რაოდენობის გაზრდის მიზნით 30%-იანი კვოტა დაუწესეს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker