გენდერული სიახლეები
ქალები პოლიტიკურ პროცესებში: ქართული დემოკრატიის დაუძლეველი ბარიერები - საქართველოს პოლიტიკის ინსტიტუტის ორგანიზებით, ყოველწლიური დემოკრატიიის კონფერენცია გაიმართა.
კონფერენციის ფარგლებში, სხვასხვა პანელზე, მომხსენებლებმა ისაუბრეს ისეთ საკითხებზე, როგორებიცაა ქალი ამომრჩევლების საჭიროებები პარტიების დღის წესრიგში, ქალი პოლიტიკოსები და შიდაპარტიული დემოკრატია, ქალი ამომრჩევლების პოლიტიკური ჩართულობა და წახალისების გზები.
ამასთან, აღინიშნა და ხაზი გაესვა 2024 წლის საპარლამენტო არჩევნების მოახლოებასთან ერთად, აღნიშნული საკითხების მნიშვნელობას და გათვალისწინებას იმისთვის, რომ პარტიების დღის წესრიგში ქალი ამომრჩევლების საჭიროებები მაქსიმალურად იყოს გათვალისწინებული. ამასთან, აცქენტი გაკეთდა და გაზიარდა გამოცდილება, როგორ შეიძლება საერთაშორისო აქტორები დაეხმარონ პოლიტიკურ პაეტიებს ქალ ამომრჩევლებთან მუშაობის თვალსაზრისით.
ერთ-ერთი პანელის ფარგლებში, ყურადღება გამახვილდა ასევე, პოლიტიკური პარტიების შიდაპარტიულ დემოკრატიაზე და ქალი პოლიტიკოსების როლის გაზრდაზე პროცესებში, რათა კვოტირების მექანიზმის შედეგად, პარტიის დღის წესრიგი არამხოლოდ ფორმალურად, არამედ რეალურად შეცვალონ.
რაც შეეხება ქალი ამომრჩევლების პოლიტიკურ ჩართულობასა და წახალისებას, ამ ნაწილში ერთ-ერთი მომხსენებელი იყო “ქალთა საინფორმაციო ცენტრი”-დან ელენე რუსეცკაია, რომელმაც ისაუბრა როგორც პოლიტიკური მონაწილეობის საკითხებზე, ასევე რეგიონებში ქალი ამომრჩევლების ჩართულობის კუთხით არსებულ გამოწვევებსა და სხვა საკითხებზე.
