10-12 აპრილს, ბიზნესისა და ტექნოლოგიების უნივერსიტეტის ორგანიზებით, სამდღიანი ტრენინგი "დისკრიმინაცია და შევიწროება სამუშაო ადგილზე" გაიმართა.

სამუშაო შეხვედრებს ქალთა საინფორმაციო ცენტრის ექსპერტი, მამუკა გაჩეჩილაძე უძღვებოდა. 

ტრენინგ–სესიებს მიზანს ბტუ–ს ადმინისტრაციული პერსონალის ცნობიერების ამაღლება წარმოადგენდა ისეთ საკითხებზე, როგორებიცაა:

•    ადამიანის უფლებები, გენდერული თანასწორობა, ოჯახში ან/და ქალთა მიმართ ძალადობა
•    დისკრიმინაციის სახეები, ბულინგი, სექსუალური შევიწროება სამუშაო ადგილზე
•    გენდერული სტერეოტიპები და მავნე-წესჩვეულებები 
•    დისკრიმნაციული და უფლებების შემლახავი ქმედებები

ამ და სხვა საკითხებზე საუბრისას იმჯელეს, ასევე, ხელისშემშლელი ფაქტორებისა და ხელშემწყობი მექანიზმების შესახებ. 
შეხვედრების ფარგლებში, დამსწრეებმა აიმაღლეს კომპეტენციები გენდერული თანასწორობის მიმართულებით, მიიღეს ინფორმაცია  ამ კუთხით არსებული გამოწვევების შესახებ, ასევე, მსხვერპლთა დაცვის მიზნით არსებული სახელმწიფო სერვისების შესახებ და სხვ. 

სამდღიანი შეხვედრის ერთ–ერთი მნიშვნელოვანი კომპონენტი პრაქტიკული სავარჯიშოები იყო. დამსწრეებმა სიმულაციური სავარჯიშოების საშუალებით შეძლეს სხვადასხვა სახის პრობლემების შეფასება და გამოსავლის გზების მოძიება. ამასთან, მონაწილეებმა იმსჯელეს სხვადასხვა ტიპის შევიწროების დროს სათანადო რეაგირებასა და სამუშაო ადგილზე ეფექტური კომუნიკაციის გზებზე.

ღონისძიება ჩატარდა „გაეროს გლობალური შეთანხმების საქართველოს ქსელთან აქტიური თანამშრომლობის ფარგლებში (UN Global Compact Network Georgia).