კვლევები
კვლევის მიზანს წარმოადგენდა საზოგადოებაში არსებული გენდერული სტერეოტიპების, მოქმედი გენდერული ნორმებისა და მავნე წეს-ჩვეულებების შესწავლა საქართველოს 5 მუნიციპალიტეტში (ბოლნისი, ზუგდიდი, ქედა, ხარაგაული, ხაშური). კვლევის მონაცემების შეკრება განხორციელდა 2022 წლის ივლისსა და აგვისტოში. კვლევისას გამოყენებულ იქნა, როგორც რაოდენობრივი, ისე თვისებრივი მეთოდები. კერძოდ, ჩატარდა გამოკითხვა, სიღრმისეული ინტერვიუები, სამაგიდე კვლევა.
კვლევის ექსპერტი: ლელა ხომერიკი
კვლევა განხორციელდა ქალთა საინფორმაციო ცენტრის მიერ სამიზნე მუნიციპალიტეტების გენდერული თანასწორობის საბჭოებთან თანამშრომლობით, დანიური ორგანიზაცია KVINFO-სა და დანიის საგარეო საქმეთა სამინისტროს მხარდაჭერით. კვლევაში მოყვანილი მოსაზრებები არ გამოხატავს დონორი ორგანიზაციის ოფიციალურ პოზიციას.
