მიღწევები
მოსამართლე ნინო ბაქაქური CEPEJ-ის ბიუროს წევრი გახდა
2020-12-17 15:40:04

2020 წლის 8 დეკემბერს ევროპის საბჭოს მართლმსაჯულების ეფექტიანობის კომისიის (CEPEJ) 34-ე ვირტუალური პლენარული სესია გაიმართა, რომელშიც მონაწილებდა CEPEJ-ში საქართველოს წარმომადგენელი, საქართველოს უზენაესი სასამართლოს მოსამართლე ნინო ბაქაქური. ამის შესახებ ინფორმაციას საქართველოს უზენაესი სასამართლო ავრცელებს.

მათი ინფორმაციით, სესია ევროპის საბჭოს ადამიანის უფლებათა დირექტორის კრისტოფ პიორელის მისასალმებელი სიტყვით გაიხსნა.

„პლენარულ სესიაზე კომიტეტის წევრი 47 ქვეყნის მიერ არჩეულ იქნა CEPEJ-ის ბიუროს ახალი შემადგენლობა: რამინ გურბანოვი (აზერბაიჯანი) - CEPEJ-ის პრეზიდენტი, ფრანჩესკო დეპასქუალე (მალტა) - ვიცეპრეზიდენტი, ნინო ბაქაქური (საქართველო) - ბიუროს წევრი და ხუან-ფერნანდო არმენგოტი (ესპანეთი) - ბიუროს წევრი. CEPEJ-ის ოთწევრიანი ბიურო CEPEJ-ის მმართველ ორგანოს წარმოადგენს, რომელიც პლენარულ სესიებს შორის პერიოდში სამდივნოსთან ერთად კომიტეტის საქმიანობას უძღვება.

სესიის დანარჩენი ნაწილი მიეძღვნა „ევროპის საბჭოს წევრ ქვეყნებში მართლმსაჯულების მდგომარეობის შესახებ“ მორიგი ორწლიანი ანგარიშის განხილვას. აღნიშნული ანგარიში, რომელიც მოიცავს ევროპის ქვეყნების მართლმსაჯულების სისტემების 2018-2019 წლების მონაცემებს, მომზადდა და წარდგენილ იქნა 2020 წლის ოქტომბერში, სრულიად ახალ ფორმატში. იგი შედგება სამი ნაწილისაგან. პირველი ნაწილი სახელწოდებით „ცხრილები, გრაფები და ანალიზი“ წარმოადგენს სტატისტიკურ მონაცემთა ცხრილებზე დაფუძნებულ ანალიზს ევროპული ტენდენციებისა სხვადასხვა თემატიკაზე, რომლებიც შერჩეულია მართლმსაჯულების სისტემებისათვის მათი მნიშვნელობის მიხედვით (ბიუჯეტი, პროფესიონალები, სასამართლოთა ორგანიზაცია, მომხმარებლები, ინფორმაციისა და კომუნიკაციის ტექნოლოგიები, ეფექტიანობა და ხარისხი) https://rm.coe.int/evaluation-report-part-1-english/16809fc058 .

მეორე ნაწილი სახელწოდებით „სახელმწიფოთა პროფილი“ - შეიცავს ინფორმაციას სახელმწიფოთა მიხედვით CEPEJ-ის მიერ შეგროვებულ მთავარ მონაცემებსა და ინტიკატორებზე, მათ შორის სასამართლოთა საქმიანობის შეფასების ისეთ ინდიკატორებზე, როგორიცაა „clearance rate“ და „disposition time“ .

მესამე ნაწილი წარმოადგენს მონაცემთა დინამიკურ ბაზას CEPEJ STAT , რომელიც შეიცავს CEPEJ-ის მიერ 2010 წლიდან შეგროვებულ ყველა რიცხობრივ და ხარისხობრივ მონაცემს.

CEPEJ-ის 2020 წლის ანგარიშისა და მასში საქართველოს მონაცემების შესახებ ევროპის საბჭოს თბილისის ოფისთან ერთად 2020 წლის 17 ნოემბერს ონლაინ პრეზენტაცია მოამზადა CEPEJ-ში საქართველოს წარმომადგენელმა მოსამართლე ნინო ბაქაქურმა.

პლენარულ სესიაზე განხილულ იქნა CEPEJ-ის სამუშაო ჯგუფების საქმიანობა, კერძოდ, ქვეყნების შეფასების (GT-EVAL), მართლმსაჯულების ხარისხის (GT-QUAL), კიბერმართლმსაჯულებისა და ხელოვნული ინტელექტისა (GT-CYBERJUST) და SATURN-ის ჯგუფების ანგარიშები.

სესია დასრულდა ევროპის სხვადასხვა ქვეყნებში, მათ შორის, საქართველოში CEPEJ-ის მიმდინარე პროექტებზე ანგარიშების მოსმენით.

მართლმსაჯულების ეფექტიანობის ევროპული კომისია არის ევროპის საბჭოსთან არსებული მუდმივი ორგანო, რომელიც შეიქმნა 2002 წელს. იგი შედგება ევროპის საბჭოს 47 ქვეყნის მიერ დანიშნული 47კვალიფიციური ექპერტისაგან. კომისიის მთავარი დანიშნულებაა შეაფასოს წევრი ქვეყნების მართლმსაჯულების სისტემების ეფექტიანობა და შეიმუშაოს კონკრეტული რეკომენდაციები აღნიშნული ეფექტიანობის გასაუმჯობესებლად, რათა მიღწეულ იქნას ადამიანის უფლებათა ევროპული კონვენციით გათვალისწინებული სამართლიანი სასამართლოს უფლების სრულად რეალიზაცია.“,- აღნიშნულია საქართველოს უზენაესი სასამართლოს მიერ გავრცელებულ ინფორმაციაში.

ბოლო ამბები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
 ღონისძიებები
 ქალთა საინფორმაციო ცენტრი ანალიტიკური სტატიების კონკურსს აცხადებს
სრულად 
 ანაზღაურებადი სტაჟირება ქალთა საინფორმაციო ცენტრში
სრულად 
 ქალთა საინფორმაციო ცენტრი აცხადებს კონკურს ბლოგების/ვლოგების/ფოტო რეპორტაჟების შექმნისთვის
სრულად 
 ვაკანსია: სოციალური მედიის მენეჯერი
სრულად 
ყველა სიახლე 
დაკავშირებული სტატიები
სამუშაო შეხვედრა „ონლაინ რადიკალიზმის პრევენცია“

სამუშაო შეხვედრა „ონლაინ რადიკალიზმის პრევენცია“, გერმანიის პოლიტიკური ნარატივების ინსტიტუტის ორ წლიანი პროექტის ნაწილია. სამუშაო შეხვედრა გერმანიის მთავრობის მხარდაჭერით და  ქალთა საინფორმაციო ცენტრთან პარტნიორობით გაიმართა 

სრულად 
მშვიდობის მშენებლობის მეთოდების განვითარება სამხრეთ კავკასიაში

მომზადებული ვიდეო რგოლის მთავარი მიზანია, პროექტის ფარგლებში შექმნილი სამშვიდობო პლატფორმისა და მისი მონაწილეების გზავნილებისა და რეკომენდაციების პოპულარიზაცია, რომელიც მიმართულია რეგიონში კონფლიქტების მოგვარებისა და საერთო, მშვიდობიანი სამხრეთ კავკასიის შექმნისკენ.

სრულად 
სალომე ზურაბიშვილმა სამი პოლიციელი ქალი ღირსების მედლით დააჯილდოვა

პრეზიდენტმა ოჯახშo, ქალთა და ბავშვთა მიმართ ძალადობის წინააღმდეგ მებრძოლი სამი ახალგაზრდა პოლიციელი ქალი ღირსების მედლით დააჯილდოვა

სრულად