„სათავგადასავლო რალი საქართველო“ დაბა მანგლისს ესტუმრა.  ქალთა საინფორმაციო ცენტრის, მანგლისის ადმინისტრაციისა და თეთრიწყაროს მუნიციპალიტეტის მხარდაჭერით, ტურნირში მონაწილე ეკიპაჟის წევრები მანგლისში დაბანაკდნენ.

14 ოქტომბერს, ჰუმანიტარული მისიის ფარგლებში, ავტომოყვარულები ადგილობრივ სოციალურად დაუცველ ქალებსა და ბავშვებს შეხვდებიან და წიგნებს, სათამაშოებს, ტანსაცმელსა და ჰიგიენურ საშუალებებს გადასცემენ.

ტურნირის მონაწილეები ხულოსაც ესტუმრებიან, სადაც ჰუმანიტარულ დახმარებას ასევე მრავლშვილიან ოჯახეს დაურიგებენ. 

„სათავგადასავლო რალი საქართველო“- ქალთა პირველ რალი რეიდია ჩვენს ქვეყანაში, რომელიც 11-დან 17 ოქტომბრამდე გაგრძელდება.

წელს რალიმ სტარტი თბილისში აიღო და მასში მონაწილე 15 ეკიპაჟის 30 წევრი, როგორც ქართველი, ასევე უცხოელი ავტომოყვარულია. ისინი საქართველოს გარშემო 6 დღის განმავლობაში დაახლოებით 1 800 კილომეტრს დაფარავენ.

ტურნირის მიზანია შექმნას უგზოო ავტორბოლაზე ახალი ხედვა და რბოლა სიჩქარისა და წამზომის გარეშე. მონაწილეებმა რუკების და სასურველი ნავიგაციის სისტემის გამოყენებით უნდა იპოვონ საკონტროლო პუნქტები, სადაც მაქსიმალურად მცირე დისტანციის დაფარვით მივლენ.

რალი 16 ოქტომბერს ბათუმში დასრულდება, ხოლო დაჯილდოვების ცერემონია 17 ოქტომბერს გაიმართება.