გენდერული სიახლეები
საფრანგეთში გეგმავენ, რომ "ქალწულობის შემოწმება" დასჯადი გახდეს
2020-10-08 13:34:53

საფრანგეთის ხელისუფლება აპირებს, რომ იმ ექიმებს, რომლებიც ე.წ. "ქალწულობის ცნობას" გასცემენ, ერთ წლამდე პატიმრობა და 15000 ევრო ფულადი ჯარიმა დაეკისროს.

BBC-ის ცნობით, ახალი კანონმდებლობა მიზნად ისახავს საფრანგეთის სეკულარული ღირებულებების გაძლიერებას და იმასთან ბრძოლას, რასაც ემანუელ მაკრონი "ისლამურ სეპარატიზმს" უწოდებს.

გაერთიანებული ერების ორგანიზაცია უკვე დიდი ხანია მოუწოდებს ყველას, რომ მსგავსი პრაქტიკა აიკრძალოს.

საფრანგეთის შინაგან საქმეთა სამინისტროს განცხადებით, სავარაუდოდ, ექიმები მსგავსი საქმიანობის გამო ერთწლიანი პატიმრობითა და 15 000 ევროს ოდენობის ჯარიმით დაისჯებიან.

ფრანგულ ტელეარხ France 3-ის ცნობით, ქვეყნის ექიმების 30% ამბობს, რომ მათთვის ერთხელ მაინც უთხოვიათ, ქალისთვის "უმანკოების ცნობა" გაეცათ, თუმცა უმეტესმა მათგანმა ამაზე უარი განაცხადა.

მსოფლიოს ჯანდაცვის ორგანიზაცია ამ საკითხთან დაკავშირებულ რეკომენდაციებში აღნიშნავს, რომ საქალწულე აპკის გარეგანი ან შეხებით დათვალიერებისას ვერ დამტკიცდება, ქალს ჰქონდა თუ არა მანამდე სქესობრივი კავშირი. ამავდროულად ეს პრაქტიკა ლახავს ადამიანის უფლებებს.

რამდენად გავრცელებული პრაქტიკაა "ქალწულობის შემოწმება"?

გინეკოლოგი გადა ჰათემი რადიო France Inter-თან საუბრისას აცხადებს, რომ "საფრანგეთში ეს პრობლემა ათასობით ქალს არ ეხება, წლის განმავლობაში მაქსიმუმ სამ ქალზეა საუბარი". როგორც წესი, ეს ახალგაზრდა ქალები (ხშირად არასრულწლოვანი გოგოები) მაღრიბიდან — აღმოსავლეთ აფრიკის მუსლიმი ჯგუფებიდან არიან.

მისი თქმით, მას არაერთხელ გაუცია "ქალწულობის ცნობა", რათა გოგოები ოჯახის წევრებისგან ან ნათესავებისგან შესაძლო ძალადობისგან ეხსნა.

"თუ მეუბნებიან, რომ "ჩემი ძმა მცემს, მამაჩემი დამახრჩობს და ქმრის ნათესავები ჩემი ოჯახის რეპუტაციას შელახავენ", მიზეზი არ მაქვს, რომ მათ არ დავუჯერო", — ამბობს გინეკოლოგი გადა ჰათემი.

BBC Arabic-ის შარშანდელი ინფორმაციით, "ქალწულობის შემოწმება" გავრცელებული პრაქტიკაა ჩრდილოეთ აფრიკაში, ახლო აღმოსავლეთში, ინდოეთში, ავღანეთში, ბანგლადეშსა და სამხრეთ აფრიკაში.

2018 წელს გაერომ გაავრცელა განცხადება, რომლითაც მოუწოდებს სახელმწიფოებს, რომ მსგავსი შემოწმებები აკრძალონ, ამავდროულად კი ამ საკითხზე ცოდნა გაავრცელონ და "უარყონ ქალწულობასთან დაკავშირებული მითები და მავნებელი გენდერული ნორმები, რომელთა მიზანიც ქალებისა და გოგოების სექსუალობასა თუ სხეულებზე კონტროლის დამყარებაა".

საფრანგეთის ხელისუფლების წარმომადგენლის მარლენ შიაპას თქმით, კანონი, რომელიც პარლამენტში მომავალ დეკემბერს იქნება განხილული, უნდა ითვალისწინებდეს იმათ ბრალეულობასაც, ვინც მსგავსი შემოწმების ჩატარებას ითხოვს: ხშირად ესენი მშობლები ან ქმრები არიან.

მსგავსი პრაქტიკა ხშირად რელიგიური წარმოდგენებითაა გამართლებული, რადგან კონკრეტულ საზოგადოებრივ ჯგუფებში რწმენის გამო მიიჩნევენ, რომ ქალი ქორწინებამდე "სუფთა" უნდა იყოს.

ბოლო ამბები
თანამედროვე ტექნოლოგიების საშუალებებით განხორციელებული ძალადობა - ქალთა მიმართ და ოჯახში ძალადობის ახალი ფორმა

თანამედროვე ტექნოლოგიები გვთავაზობს გენდერულ ძალადობაზე პრევენციისა და მათზე  რეაგირების ახალ გზებს.  თუმცა ამავდროულად,  თავი იჩინა ახალმა პრობლემამ -  მოძალადეების მიერ ტექნოლოგიების გამოყენებამ  მსხვერპლთა თვალთვალისა და კონტროლისათვის

სრულად 
სამტრედიაში ცოლის მკვლელობის ბრალდებით კაცი დააკავეს

შინაგან საქმეთა სამინისტროში აცხადებენ, რომ დაჭრილი ქალი შემთხვევის ადგილზევე გარდაიცვალა

სრულად 
 ღონისძიებები
 ონლაინ საერთაშორისო ფემინისტური სკოლა
სრულად 
 საგრანტო პროგრამა ახალგაზრდებისთვის 
სრულად 
 ქალთა საინფორმაციო ცენტრი აცხადებს ვიდეო რგოლების კონკურსს 
სრულად 
 ბერტა ფონ ზუტნერის მშვიდობის პრემია 2020
სრულად 
ყველა სიახლე 
დაკავშირებული სტატიები
არგენტინის ქვედა პალატამ აბორტის დაშვების შესახებ კანონპროექტს მხარი დაუჭირა

არგენტინის პარლამენტის ქვედა პალატამ აბორტის ლეგალიზების შესახებ კანონპროექტს მხარი დაუჭირა

სრულად 
COVID-19 ის პანდემიის საპასუხოდ შემუშავებული სახელმწიფო ანტიკრიზისული გეგმა ქალების ეკონომიკური გაძლიერების კუთხით არსებული საჭიროებებისადმი მგრძნობიარობის ჭრილში

მსოფლიოში ახალი კორონა ვირუსით გამოწვეული გავლენების შემსუბუქების მიზნით, საქართველოს მთავრობამ კონკრეტული ღონისძიებები გაატარა, რომელთა უმრავლესობაც ერთჯერად ხასიათს ატარებდა

სრულად 
FAO ქალებისთვის საგრანტო კონკურსს აცხადებს

გაეროს სურსათისა და სოფლის მეურნეობის ორგანიზაცია (FAO) სოფლად მცხოვრები ქალების ცხოვრების ხარისხის გაუმჯობესების მიზნით, სასოფლო-სამეურნეო შრომის დამზოგველი მოწყობილობების ან დანადგარების შეძენაზე საგრანტო კონკურსს აცხადებს

სრულად