მოვლენები
პარლამენტმა პლენარულ სესიაზე საქართველოში საგანგებო მდგომარეობის 22 მაისამდე გაგრძელებას მხარი დაუჭირა. სხდომას 118 დეპუტატი ესწრებოდა. საგანგებო მდგომარეობის ვადის გახანგრძლივების თაობაზე ბრძანება პრეზიდენტმა სალომე ზურაბიშვილმა წარადგინა.
საკითხი დღეს პარლამენტის საგანგებო სესიის პლენარულ სხდომაზე განიხილეს და კენჭი უყარეს. საგანგებო მდგომარეობის 22 მაისამდე გახანგრძლივებას 97-მა დეპუტატმა დაუჭირა მხარი, ათი წინაღმდეგი წავიდა.
პლენარულ სესიას ესწრებოდნენ ოპოზიციური პარტიები, ევროპული საქართველო და ნაციონალური მოძრაობა, თუმცა მათ მხარი არ დაუჭირეს დადგენილებას. ისინი ითხოვენ ეკონომიკურ გეგმას, თუ როგორ დაეხმარება ხელისუფლება უმუშევრად დარჩენილ მოსახლეობას. გარდა ამისა, ოპოზიცია აპროტესტებს მანქანებით გადაადგილების აკრძალვის გახანგრძლივებასაც. ევროპული საქართელოს დეპუტატმა, ოთო კახიძემ ბიუროს სხდომაზე გიორგი გახარიას მისვლა და მისგან პასუხების მოსმენა მოითხოვა.
