მას შემდეგ, რაც 4 აპრილს, საქართველოს პარლამენტმა, დაჩქარებული წესით განხილულ კანონპროექტს კენჭი უყარა და გენდერული კვოტირება გააუქმა, მნიშვნელოვანია ვნახოთ, როგორ გამოიყურება არჩევნებში მონაწილე რეგისტრირებული პოლიტიკური სუბიექტების სიების გენდერული მონაცემები. (24.10.2024).

ქალთა საინფორმაციო ცენტრმა არჩევნებში მონაწილე სუბიექტების საარჩევნო სიებში შეაფასა გენდერული ბალანსი შეაფასა. აღსანშნავია, რომ 2024 წლის 24 ოქტომბრის მონაცემებით, პარტიების სიებში რეგისტრირებული 18 პოლიტიკური სუბიექტის 1 182 კანდიდატიდან მხოლოდ 26.7%-ია (316) ქალი. წინა საპარლამენტო არჩევნებთან შედარებით,  რომელშიც ქალთა წილი 44,3%-ს შეადგენდა, ვითარება მკვეთრად გაუარესებულია. 

ანალიზის მიზნით, შევარჩიეთ ხუთი პოლიტიკური პარტია (მმართველი პარტია და ოთხი პრო ევროპული რეიტინგული პარტია).

1. ქართული ოცნება N41
2. გახარია საქართველოსთვის  N 25
3. ერთიანი ნაციონალური მოძრაობა N5 
4. ძლიერი საქართველო N 9
5. კოალიცია ცვლილებებისთვის N4

შევისწავლეთ  მათ მიერ წარმოდგენილი სიები, სულ  რეგისტრირებულია 565 კანდიდატი მათ შორის 151 ქალი (26,7%). პირველადი შეფასებით შეგვიძლია ვთქვათ, რომ მმართველი პარტიის საარჩევნო სიაში თვალსაჩინოა გენდერული თანასწორობის უკუსვლა, 2020 წლის საარჩევნო სიაში ქალთა საერთო რაოდენობა 24% იყო, წელს ეს რიცხვი 16%, სიის 168 რეგისტრირებული კანდიდატიდან მხოლოდ 27 ქალია. 

გახარია საქართველოსთვის N25, სიის 115 რეგისტრირებული კანდიდატიდან 52 (45%) ქალია. ერთიანი-ნაციონალური მოძრაობა N5, სიის 97 რეგისტრირებული კანდიდატიდან 22 (23%) ქალია. ძლიერი საქართველო N9, სიის 102 რეგისტრირებული კანდიდატიდან 30 (29%) ქალია. კოალიცია ცვლილებებისთვის N4, სიის 82 რეგისტრირებული კანდიდატიდან 20 (24%) ქალია. ქართული ოცნება N41 სიის 168 კანდიდატიდან 27(16%) ქალია.

ქვემოთ მოცემულ ცხრილებში შეხვდებით ამავე ფორმულირებით ანალიზს სიების 10-ეულში, 20-ეულსა და 50-ეულში.