სიძულვილის ენა სიტყვებია, რომლებიც შემდეგ ქმედებად იქცევა. ქმედებად, რომელსაც ხშირად ფატალურ შედეგებამდე მივყავართ. 18 ივნისი მნიშვნელოვანი თარიღია, რათა კიდევ ერთხელ, ხმამაღლა ვაღიაროთ პრობლემის სიმწვავე და ვებრძოლოთ სიტყვებს, რომლებსაც ზოგჯერ და ხშირად, იმაზე მეტი ზიანის მოტანა შეუძლია, ვიდრე წარმოვიდგენთ. 

ზიანი აღუწერელია, აღვივებს უთანასწორობას და იწვევს ადამიანების გარიყვას, დისკრიმინაციას მათი სქესის, ეთნიკური წარმომავლობის,  რელიგიის, ეროვნების, რასის, ფერის, წარმოშობის ფაქტორით ან პოლიტიკური ნიშნით. 

განსაკუთრებით მწვავეა ჩვენს საზოგადოებაში გენდერული მოტივით განპირობებული სიძულვილის ენა, რომელიც ძალადობას აპროვოცირებს და უხეშად არღვევს ქალების უფლებებს, კვებავს სოციალურ პოლარიზაციას და გვაშორებს ერთმანეთთან. 

მნიშვნელოვანია, რომ სამოქალაქო საზოგადოებამ, ცალკეულმა პირებმა გაიაზრონ რისკები, ხოლო გადაწყვეტილების მიმღებმა პირებმა გაიღონ რესურსები საგანმანათლებლო პოლიტიკის გაძლიერების მიმართულებით. ღირებულია შევქმნათ საზოგადოება, რომელიც მხარს უჭერს მშვიდობას და ადამიანის უფლებებს. ყველას შეგვიძლია გავხადოთ გარემო, განსაკუთრებით კი ონლაინ სივრცეები უფრო უსაფრთხო.