Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

სომხეთში სტამბოლის კონვენციის რატიფიცირების წინააღმდეგ ხელმოწერებს აგროვებენ

კატეგორია: გენდერული ძალადობა 
2019-07-30

სამხეთში, ევროპის საბჭოს ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ კონვენციის (სტამბოლის კონვენციის) შესაძლო რატიფიცირების საკითხი ერთ-ერთი ყველაზე განხილვადი თემა გახდა.

 

ზოგიერთი სომეხი ექსპერტი ამტკიცებს, რომ კონვენცია შეიცავს "საეჭვო მუხლებს" და მათი სხვაგვარად ინტერპრეტაციაა შესაძლებელი. კერძოდ, ეს ეხება გენდერული იდენტობის, გენდერული როლებისა და ე.წ. „მესამე სქესის“ საკითხს.

 

 

საზოგადოებრივი ორგანიზაციების ნაწილი და ცალკეული პოლიტიკური ძალები მიიჩნევენ, რომ კონვენცია მიმართულია არა მხოლოდ სომხური ტრადიციებისა და ღირებულებების განადგურებისკენ, არამედ ეწინააღმდეგება ქვეყნის კონსტიტუციასაც.

 

კონვენციის გარშემო მიმდინარე მწვავე განხილვებთან დაკავშირებით, სამხეთის იუსტიციის სამინისტრომ განცხადება გააკეთა.

 

 

"კონვენცია არ ახდენს ზეგავლენას ეროვნულ კანონმდებლობაზე ქორწინების შესახებ. დოკუმენტი არ წარმოადგენს საფრთხეს ეროვნული ტრადიციებისა და ფასეულობებისთვის. თუმცა, ტრადიციები, კულტურა და რელიგია არ შეიძლება გახდეს ქალთა მიმართ ძალადობის გამართლების საფუძველი."- ნათქვამია სამინისტროს განცხადებაში, რომელიც ორშაბათს გავრცელდა.

 

თავის მხრივ, სომხურმა სამოციქულო ეკლესიამ ასევე გაავრცელა განცხადება და მოუწოდა ხელისუფლებას არ მოახდინოს დოკუმენტის რატიფიცირება.
ეკლესია მიიჩნევს, რომ სტამბოლის კონვენციაში განხილული საკითხები "ცდება სამართლებრივი რეგულირების ჩარჩოს " და მიზნად ისახავს ადამიანის "მსოფლმხედველობის შეცვლას".

 

"იდეები, რომელიც კონვენციაში არის გაჟღერებული და სქესთა შორის ურთიერთობების, რელიგიის, ტრადიციების, ადათ-წესებისა და განათლებისადმი დამოკიდებულებას გამოხატავს, ეწინააღმდეგება ხალხის რწმენის, ეროვნების, მორალის, ღირსებისა და ოჯახის მიმართ შეხედულებებს", - ნათქვამია განცხადებაში.

 

სტამბოლის კონვენციის რატიფიცირების წინააღმდეგ ხელმოწერებს სამოქალაქო საზოგადოების აქტივისტები აგროვებენ. თავიანთ პოზიციას ისინი განმარტებენ იმით, რომ კონვენციის რატიფიცირების შემთხვევაში, ქვეყანაში აღმოიფხვრება ლგბტ თემის მიერ ოჯახების შექმნისა და შვილების აყვანის იურიდიული დაბრკოლებები, ხოლო ლგბტ პირები სხვადასხვა ქვეყნებიდან შეეცდებიან სომხეთში თავშესაფრის ან ლტოლვილის სტატუსის მოპოვებას. არსებობს სხვა არგუმენტებიც დოკუმენტის რატიფიცირების წინააღმდეგ.

 

რესპუბლიკის ადვოკატთა პალატამ საგანგებოდ შექმნა სპეციალური ვებგვერდი, სადაც ყველას შეუძლია გამოხატოს საკუთარი მოსაზრება კონვენციის შესახებ.

 

2019 წლის ივლისის დასაწყისში, სომხეთის ხელისუფლებამ და ევროსაბჭომ წამოიწყეს ახალი პროგრამა „ოჯახში ძალადობის პრევენციისა და აღმოფხვრის შესახებ - სტამბოლის კონვენციის რატიფიცირებაზე მუშაობის გაგრძელება ” და  ამავე დროს განაცხადეს დოკუმენტის შემდგომი რატიფიცირების მნიშვნელობაზე.

 

 

ევროპის საბჭოს ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ კონვენცია (სტამბოლის კონვენცია) წარმოადგენს ევროსაბჭოს საერთაშორისო შეთანხმებას. 2011 წლის 11 მაისიდან ის ღიაა ხელმოწერისთვის და ამჟამად დოკუმენტს 46-მა ქვეყანამ და ევროკავშირმა მოაწერეს ხელი. ის რატიფიცირებულია 28 ქვეყნის მიერ. საქართველომ სტამბოლის კონვენციის რატიფიცირება მოახდინა 2017 წლის 19 მაისს.

 

სომხეთმა კონვენციას 2018 წლის იანვარში მოაწერა ხელი. რუსეთი და აზერბაიჯანი ევროპის საბჭოს ერთადერთი წევრები არიან, რომლებმაც ხელი არ მოაწერეს სტამბოლის კონვენციას, ხოლო ბულგარეთმა, სლოვაკეთმა და ლატვიამ უარი თქვეს მის რატიფიცირებაზე.

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ნათია მეზვრიშვილი პრემიერ-მინისტრის აპარატის უფროსად დაინიშნა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker