Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

კატეგორია: ტრეფიკინგი 
2019-07-18

საქართველო მონობის თანამედროვე ფორმებთან ბრძოლის კუთხით ევროპასა და ცენტრალური აზიის რეგიონში (50 ქვეყანა) მე-18 ადგილს იკავებს - 17 მსხვერპლი 1000 მოსახლეზე. მიუხედავად შეზღუდული რესურსებისა, საქართველო ახერხებს ეფექტური ღონისძიებების გატარებას, რათა მონობის თანამედროვე ფორმებთან ბრძოლა განახორციელოს.

 

ამაზე მიუთითებს საერთაშორისო არასამთავრობო ორგანიზაცია „Walk Free"-ს მიერ გამოქვეყნებული კვლევა, რომლის სახელწოდებაა: „მონობის გლობალური ინდექსი 2018" და ითვლება მსოფლიოში ყველაზე სრულ დოკუმენტად თანამედროვე მონობის შესახებ.

 

კვლევა ითვალისწინებს მონობის ისეთ ფორმებს, როგორიცაა: ტრეფიკინგი, იძულებითი ქორწინება და შრომა, სექსუალური მონობა და ბავშვების გამოყენება შეიარაღებულ კონფლიქტებში.

 

ჩამოთვლილი ფაქტორების შესწავლის შემდგომ მსოფლიოს 183 ქვეყანას შორის დგინდება რეიტინგი სხვადასხვა მიმართულებით.

 

ანგარიშის მიხედვით, 2018 წლის მონაცემებით, ევროპაში და ცენტრალურ აზიაში თანამედროვე მონობის ყველაზე გავრცელებული ფორმა  შრომითი ექსპლუატაციაა.
ამ რეგიონში ყოველ ათას მოსახლეზე მოდის 3.6 ადამიანი, რომელიც იძულებითი შრომის მსხვერპლია. ეს მაჩვენებელი თითქმის 10-ჯერ აღემატება იძულებითი ქორწინების რაოდენობას რეგიონში (1000 ადამიანზე 0,4 მსხვერპლი).

 

ანგარიშის თანახმად, 2018 წელს ევროპასა და ცენტრალურ აზიაში, ადამიანების ერთ მესამედზე მეტი (36%)  შრომითი ექსპლუატაციის მსხვერპლი ვალების გამო გახდა. რეგიონზე მოდის სექსუალური მონობის  შემთხვევების 14%. ამავდროულად, იძულებითი ქორწინების რიცხვი რეგიონში ყველაზე დაბალი აღმოჩნდა მსოფლიოში.

 

ევროპაში, მოსახლეობის რაოდენობის მიხედვით, მონობის ყველაზე მაღალი დონე ბელარუსის რესპუბლიკაში და ჩრდილოეთ მაკედონიაში აღინიშნება. ეს მაჩვენებელი კი რუსეთში, თურქეთსა და უკრაინაში 39% შეადგენს.

 

ზოგადად, აღმოსავლეთ ევროპის ქვეყნებში დაფიქსირდა იძულების ყველაზე მაღალი დონე. დასავლეთ ევროპის ქვეყნებში, ამ მაჩვენებლის თვალსაზრისით პორტუგალია ლიდერობს (1000 მოსახლეზე 2.5 მსხვერპლი), თუმცა იტალიაში მონობის მსხვერპლთა ყველაზე მაღალი მაჩვენებელი დაფიქსირდა - 145 ათასი ადამიანი.

 

კვლევის ავტორები ასევე აფასებდნენ 183 სახელმწიფოს მთავრობებს ისეთი ფაქტორების მიხედვით, როგორებიცაა: მონობის მსხვერპლთა იდენტიფიცირება და დახმარება, დამნაშავეთა სისხლის სამართლებრივი დევნა და მონობის ორგანიზებული ფორმების წინააღმდეგ ბრძოლა.

 

საქართველოს მთავრობის მიერ განხორციელებულ ძალისხმევას კვლევაში BBB რეიტინგი მიენიჭა. აღნიშნული ნიშნავს, რომ საქართველოს მთავრობამ განახორციელა სისტემური ღონისძიებები თანამედროვე მონობის ფორმების წინააღმდეგ, რაც მოიცავს მსხვერპლთა მხარდაჭერის სერვისებს, ძლიერ სისხლისსამართლებრივ ღონისძიებებს, კოორდინაციასა და თანამშრომლობას, ასევე, მოსახლეობის მოწყვლადი ჯგუფების სპეციალურ დაცვას.
რუსეთი ამ მაჩვენებლით ბოლო ადგილზეა ევროპაში.

 

ამავდროულად, Walk Free-ს და საერთაშორისო შრომითი ორგანიზაციის შეფასებით, 2018 წელს  40 მილიონზე მეტი ადამიანი გახდა მონობის მსხვერპლი. თითქმის 100 ქვეყანაში იძულებითი შრომა კვლავ არ განიხილება დანაშაულად ან უმნიშვნელო დანაშაულად ითვლება, ნათქვამია ანგარიშში. მსოფლიოს ქვეყნების მხოლოდ ერთ მესამედში  აკრძალულია იძულებითი ქორწინება.

 

 

როგორც კვლევაში არის აღნიშნული, იმისთვის, რომ 2030 წლისთვის მონობა აღმოიფხვრას, ჯერჯერობით არ განხორციელდა საკმარისი ძალისხმევა. ამ გლობალური მიზნის მისაღწევად, რომელიც გაეროს მიერ არის დასახული, საჭირო იქნება ყოველდღიურად 10 ათასი ადამიანის გათავისუფლება მომდევნო 10 წლის განმავლობაში.

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ნინო ცაციაშვილი შინაგან საქმეთა მინისტრის მოადგილედ დაინიშნა

ბოლივიის პრეზიდენტის მოვალეობის შემსრულებელი ქალი გახდა

მაია მიმინოშვილი განათლების მინისტრის თანამდებობაზე ერთ-ერთ კანდიდატად განიხილება

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker