Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

UNFPA: ყოველდღიურად, 800 ქალი და გოგო იღუპება ორსულობისა ან/და მშობიარობის დროს

კატეგორია: გენდერი მსოფლიოში 
2019-04-11

50 წლის წინ ქალი საშუალოდ ხუთ შვილს აჩენდა, 1994 წელს ეს მაჩვენებელი 2,9-მდე დაეცა და დღეს 2.5 შეადგენს. ამ დროის განმავლობაში, კაცობრიობამ გენდერული თანასწორობისა და ჯანდაცვის ხარისხის გაუმჯობესების მისაღწევად გრძელი გზა გაიარა. თუმცა, ეს პროგრესი არ იგრძნობა ყველგან. ამის შესახებ აღნიშნულია გაეროს მოსახლების ფონდის (UNFPA) შექმნის 50 წლისთავისადმი მიძღვნილ ახალ ანგარიშში "UNFINISHED BUSINESS the pursuit of rights and choices FOR ALL".

 

მსოფლიო მოსახლეობის მდგომარეობის შესახებ 2019 წლის ანგარიშში აღნიშნულია, რომ რეპროდუქციული უფლებები კვლავ მიუწვდომელია მრავალი ქალისათვის, მათ შორის, იმ 200 მილიონზე მეტი ქალისთვის, რომელთაც სურთ ორსულობის თავიდან არიდება, მაგრამ ხელი არ მიუწვდებათ კონტრაცეფციის თანამედროვე მეთოდების შესახებ ინფორმაციასა და სერვისებზე.

 

 

მაგალითად, აფრიკის ზოგიერთ ქვეყანაში, ქალებს არ აქვთ კონტრაცეფციის საშუალებებთან ხელმისაწვდომობა, რის გამოც ექვსზე მეტი შვილი უჩნდებათ. ევროპაში კი, პირიქით, ნახევარი საუკუნეა, რაც შობადობა შემცირებულია. UNFPA მიიჩნევს, რომ მთავარია არა რიცხვები, არამედ ძალისხმევის გაძლიერება, რათა უზრუნველყოფილი იყოს სქესობრივი და რეპროდუქციული უფლებების დაცვა ყველასთვის.

 

წლევანდელ ანგარიშში პირველადაა წარმოდგენილი მონაცემები ქალთა შესაძლებლობის შესახებ მიიღონ გადაწყვეტილება სამ საკვანძო საკითხთან დაკავშირებით: სქესობრივი ცხოვრება თავიანთ პარტნიორთან, კონტრაცეფციის გამოყენება და ჯანდაცვა. 51 ქვეყანაში, სადაც ეს ინფორმაცია ხელმისაწვდომია, ქორწინებაში ან ურთიერთობებში მყოფი ქალების მხოლოდ 57%-ს შეუძლია საკუთარი არჩევანის გაკეთება სამივე სფეროში.

 

ანგარიშის მიხედვით:

 

ორსულობასთან დაკავშირებული მიზეზით გარდაცვლილი ქალების რაოდენობა ყოველ 100,000 მშობიარობაზე მსოფლიოში 1994 წელს - 369, ხოლო 2015 წელს - 216 შეადგენდა.

 

გლობალური თანამედროვე კონტრაცეფციის პრევალენტობის მაჩვენებელი 1969 წელს - 24, 1994 წელს - 52, ხოლო 2019 წელს - 58 შეადგინა.

 

გლობალური შობადობის მაჩვენებელი, ან შობადობის მაჩვენებელი თითოეულ ქალზე 1969 წელს - 4.8, 1994 წელს - 2.9; 2019 წელს - 2.5 შეადგინა.

 

სქესობრივი და რეპროდუქციული ჯანმრთელობის სერვისებზე დაუკმაყოფილებელი საჭიროებების ყველაზე დიდი მაჩვენებელი მარგინალიზებულ ჯგუფებს შორისაა, მათ შორისაა ეთნიკური უმცირესობების ჯგუფები, ახალგაზრდები, დაუოჯახებელი ადამიანები; ლესბოსელი, გეი, ბისექსუალი, ტრანსგენერი და ინტერსექსი ადამიანები; შეზღუდული შესაძლებლობის მქონე პირები; სოფლებსა და ურბანულ ადგილებში მცხოვრები ღარიბი მოსახლეობა.

 

დღეს მსოფლიოში მცხოვრები დაახლოებით 800 მილიონი ქალი ბავშვობის ასაკში დაქორწინდა.

 

ყოველდღიურად, 800 ქალი და გოგო იღუპება ორსულობისა ან/და მშობიარობის დროს.

 

15-დან 49 წლამდე ქალების 40%-ზე მეტი, რომლებიც მსოფლიოს 51 ქვეყანაში იყო გამოკითხული  ამბობს, რომ ვერ ეუბნება უარს სქესობრივ კავშირზე პარტნიორს.

 

"მოვუწოდებ მსოფლიოს ლიდერებს, კიდევ ერთხელ დაადასტურონ მზადყოფნა იმ დაპირებების შესასრულებლად, რომელიც 25 წლის წინ კაიროში დადეს, რათა უზრუნველყონ სქესობრივი და რეპროდუქციული ჯანმრთელობა და უფლებები ყველასთვის", - განაცხადა გაეროს მოსახლეობის ფონდის აღმასრულებელმა დირექტორმა ნატალია კანემიმ.

 

 

https://georgia.unfpa.org/sites/default/files/pub-pdf/SWP19%20-%20EN%20report-web-%204%20April_2.pdf

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ავსტრიაში პირველად კანცლერად ქალი დაინიშნა

ესპანეთმა აირჩია ყველაზე გენდერულად დაბალანსებული პარლამენტი ევროპაში

ინდოეთის პარლამენტში ქალებისთვის 33 % -იან კვოტას დააწესებენ

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker