Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

სასწავლო კურსი ქალებისთვის: როგორ დავიწყოთ და განვავითაროთ ბიზნესი

კატეგორია: განცხადებები 
2018-09-10

კონკურსი ზუგდიდის მუნიციპალიტეტში გამყოფ ხაზთან მცხოვრები კონფლიქტის შედეგად დაზარალებული ქალებისთვის სასწავლო კურსში - „მეწარმეობის პრაქტიკული კურსი - როგორ დავიწყოთ და განვავითაროთ ბიზნესი“

 

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი ფინანსთა სამინისტროს აკადემიასთან თანამშრომლობით, გაეროს ქალთა ორგანიზაციისა და სამეგრელო-ზემო სვანეთის სახელმწიფო რწმუნებული - გუბერნატორის ადმინისტრაციის მხარდაჭერით აცხადებს კონკურსს ზუგდიდის მუნიციპალიტეტში  გამყოფ ხაზთან მცხოვრები კონფლიქტის შედეგად დაზარალებული ქალებისთვის სასწავლო/ტრენინგ კურსში  „მეწარმეობის პრაქტიკული კურსი - როგორ დავიწყოთ და განვავითაროთ ბიზნესი“  მონაწილეობის მისაღებად. სასწავლო კურსის მიზანია  მეწარმეობის შესახებ თეორიული ცოდნის ამაღლება და ბიზნესის წარმოების პრაქტიკული უნარების გაძლიერება.   

 

ტრენინგში მონაწილეობის მიღება შეუძლიათ:

 

• ზუგდიდის მუნიციპალიტეტში მცხოვრებ ქალებს 18 წლის ზემოთ;

• ვისაც სურს ბიზნესის დაწყება;

•ვისაც აქვს უნარი და მოტივაცია მართოს ბიზნესი.

 

სასწავლო/სატრენინგო კურსი მოიცავს ინტერაქტიულ ლექციებს, პრაქტიკულ დავალებებს, მათ შორის, პრეზენტაციის მომზადებას/წარდგენას.


ტრენინგ კურსის თემებია :

 

• ახალი ბიზნესიდეის ჩამოყალიბება;

 

• ბაზრის ანალიზი და სფეროების მიხედვით დაყოფა;

 

• პიროვნებები და გუნდები;


• მინიმალური სიცოცხლისუნარიანი პროდუქტის დაგეგმვა;


• ბიზნეს მოდელირება;


• კომერციალიზაციის სტრატეგიის შემუშავება;


• ფინანსური დოკუმენტებისა და დაფინანსების წყაროების დაგეგმვა;

• საინვესტიციო პრეზენტაციის მომზადება.

 

ტრენინგ კურსის ფორმატი ითვალისწინებს მონაწილეთა შეფასებას. კურსის ბოლოს გაიცემა სხვადასხვა კატეგორიის სერტიფიკატი. სერტიფიკატის ტიპი დამოკიდებულია მსმენელის დასწრებაზე, შუალედურ შეფასებებსა და საბოლოო პრეზენტაციაზე.

 

კურსის ხანგრძლივობა: 27 საათი

პერიოდი: 22-23; 29-30 სექტემბერი; 6-7 ოქტომბერი

სასწავლო დღეები: შაბათი-კვირა

ტრენინგის ხანგრძლივობა: 4,5 საათი

ტრენინგის სამუშაო ენა არის ქართული

კურსში მსმენელების რაოდენობა: 16

ადგილი: ფინანსთა სამინისტროს აკადემია, თბილისი, გორგასლის ქ. 10

კურსში მონაწილეობა არის უფასო.

 

შერჩეული მონაწილეების ტრანსპორტირება განხორციელდება სამეგრელო-ზემო სვანეთის სახელმწიფო რწმუნებული - გუბერნატორის ადმინისტრაციის მხარდაჭერით. ხოლო სასტუმროში განთავსების ხარჯებს ფარავს გაეროს ქალთა ორგანიზაცია.

 

კონკურსში მონაწილეების შერჩევა მოხდება ორ ეტაპად :

 

პირველი ეტაპი - საბუთების გადარჩევა

•მსურველებმა უნდა გამოაგზავნონ CV (მოკლე რეზიუმე ) და სამოტივაციო წერილი (რა მოლოდინი აქვს მსმენელს და მოკლე მონახაზი  ბიზნესიდეის შესახებ (ასეთის არსებობის შემთხვევაში))
მეორე ეტაპი - გასაუბრება
•საბუთების მიხედვით გადარჩეულ კანდიდატებს ჩაუტარდებათ გასაუბრება

გთხოვთ, სათაურის (subject)  ველში მიუთითოთ კურსის დასახელება - „როგორ დავიწყოთ და განვავითაროთ ბიზნესი“.

რეზიუმე და სამოტივაციო წერილი გამოგვიგზავნეთ შემდეგ მისამართზე: press@smr.gov.ge

 

დამატებითი შეკითხვის შემთხვევაში დაუკავშირდით საკონტაქტო პირს:  ლალი დევიძე - l.devidze@smr.gov.ge; ტელ: 577 52 77 99

 

განაცხადის მიღების ბოლო ვადა: 15 სექტემბერი, 2018 წელი


წყარო 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

თბილისში საკრებულოს წევრ ქალთა ფორუმის მე-6 ყოველწლიური კონფერენცია მიმდინარეობს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker