Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

სომალიში, წინადაცვეთის ოპერაციის შემდეგ 10 წლის გოგონა გარდაიცვალა

კატეგორია: გენდერული ძალადობა 
2018-07-23

სომალის ცენტრალურ ნაწილში, წინადაცვეთის ოპერაციის (FGM) შემდეგ 10 წლის გოგონა გარდაიცვალა, რამაც უფლებადამცველების დიდი პროტესტი გამოიწვია. აქტივისტებმა მოუწოდეს ხელისუფლებას მოახდინოს ამ საშინელი პრაქტიკის კრიმინალიზაცია.

 

წინადაცვეთის ჩატარების შემდეგ გოგონას სისხლის დენა დაეწყო, რომელიც ვერ შეაჩერეს. გოგონა ორი დღის შემდეგ საავადმყოფოში გარდაიცვალა.

 

 

"ქალი, რომელმაც ოპერაცია ჩაატარა, არ იყო დაკავებული. თუმცა დაპატიმრების შემთხვევაში მას ვერ დასჯიდნენ, რადგან ქვეყანაში არ არსებობს შესაბამისი კანონი. ეს არის ერთ-ერთი შემთხვევა, რომელიც ყოველდღიურად ხდება სომალიში ", - აცხადებენ აქტივისტები.

 

ყოველწლიურად, მსოფლიო ჯანდაცვის ორგანიზაციის მონაცემებით, 3 მილიონ 14 წლამდე ასაკის გოგონას გენიტალიებზე მანიპულაციას იძულებით უტარებენ.

 

 

ამ უძველესს რიტუალს სულ მცირე 27 აფრიკულ ქვეყანაში, აზიისა და ახლო აღმოსავლეთის რეგიონებში ატარებენ და ხშირ შემთხვევაში პროცედურა, ანესთეზიისა და სტერილური პირობების დაცვის გარეშე, სამართებლით, მაკრატლით ან სხვა ბასრი ინსტრუმენტით ტარდება.

 

ამ მხრივ, ყველაზე მაღალი მაჩვენებელი სომალიში, გვინეაში, სუდანსა და მალიში ფიქსირდება.

 

გაერო-ს მონაცემებით, სომალიში ქალებისა და გოგონების 98%–მა 15-დან 49 წლამდე ასაკში გაიარა ეს რიტუალი.

 

სომალის კონსტიტუცია კრძალავს წინადაცვეთას, თუმცა არ არსებობს კანონი, რომელიც დამნაშავეს დასჯიდა. ეს დაკავშირებულია ქვეყანაში მუსლიმი ლიდერების დიდი გავლენით, რომლებიც განიხილავენ წინადაცვეთას, როგორც მათი ტრადიციის ნაწილს.

 

გაეროს მონაცემებით, მსოფლიოს მასშტაბით, დაახლოებით 200–მა მილიონმა გოგონამ და ქალმა განიცადა წინადაცვეთა და როგორც წესი, ეს გულისხმობს გენიტალიებზე წარმოებულ ოპერაციას –კლიტორექტომიას და მცირე ბაგეების ამოკვეთასაც. ოპერაციამ შეიძლება გამოიწვიოს მრავალი სერიოზული ჯანმრთელობის პრობლემა და სიკვდილიც. იმ შემთხვევაში, თუ ე.წ. წინადაცვეთის პროცედურა ფატალურად არ მთავრდება, გოგონებს მთელი ცხოვრება დამახინჯებული გენიტალიებისა და განადგურებული სულიერი მდგომარეობის ქვეშ უწევთ ცხოვრება.

წყარო 

ტეგები: სომალი წინადაცვეთა

წინა გვერდი 

Webmaster

 

ანონსები

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

სამუშაო შეხვედრა ზუგდიდში მომუშავე ადგილობრივ არასამთავრობო ორგანიზაციებთან

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

1325-ის ლოკალიზაცია: სამოქალაქო ფორუმი ზუგდიდში

ერთადერთი ქალი საპრეზიდენტო კანდიდატი ქალთა უფლებებზე დისკუსიას არ დაესწრო

საქართველოს ეროვნული ბანკი კომერციულ ბანკებს გენდერულ კვოტას უწესებს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ინტერპოლმა სუდანში 85 ბავშვი ტრეფიკინგისგან იხსნა

საბერძნეთში ბავშვებით ვაჭრობაში ბრალდებული საქართველოს მოქალაქე დააკავეს

საქართველოში 17 ათასი მონაა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker