Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ქორწინება 9 წლის ასაკში - ერაყში კანონპროექტზე მსჯელობენ

კატეგორია: გენდერი მსოფლიოში 
2017-11-15

ახალი კანონპროექტი, რომელიც ერაყში ცხრა წლის ასაკში გოგონების ქორწინებას დააკანონებს, შესაძლოა კატასტროფა გამოიწვიოს და გააუქმოს ყველა მიღწევა ქალთა უფლებების სფეროში, რომელსაც ქვეყანამ ნახევარი საუკუნის წინ მიაღწია.


 

 

ერაყის პარლამენტში, შიიტების ჯგუფების მიერ ინიცირებული კანონპროექტი ითვალისწინებს კანონში პირადი სტატუსის შესახებ ცვლილებების შეტანას. კერძოთ კი ერთი პუნქტის, რომელიც რელიგიური სასამართლოების აღდგენას ითვალისწინებს და სასულიერო პირებს საშუალებას მისცემს შეადგინონ საქორწინო კონტრაქტები.


 

 

გასულ კვირას ერაყში ცვლილებების მიღებასთან დაკავშირებით გაიმართა აქციები, რომელშიც მონაწილეობა აქტივისტებმა და ქალთა უფლებების დამცველებმა მიიღეს. გაეროს დახმარების მისიამ ერაყში (UNAMI) გამოთქვა შეშფოთება კანონპროექტთან დაკავშირებით,  მოუწოდა ერაყის ხელისუფლებას ფართო კონსულტაციებისაკენ, ქალთა უფლებების სრულ აღიარებასა და დაცვისკენ.


 

 

 

როგორც უფლებადამცველები აღნიშნავენ, კანონპროექტი ეწინააღმდეგება საერთაშორისო კონვენციებსა და ეროვნულ კანონმდებლობას. ახლა მოქმედი კანონით, დაქორწინება ოფიციალურად 18 წლიდან შეიძლება, თუმცა სასამართლოს გადაწყვეტილებით, 15 წლის ასაკის მოზარდებსაც შეუძლიათ დაოჯახება.

 

მიუხედავად იმისა, რომ ახალი კანონპროექტი ჯერ კიდევ არ გამოტანილა ქვეყნის პარლამენტის დღის წესრიგში, პრინციპების დონეზე მას 40-მა დეპუტატმა დაუჭირა მხარი.


 

 

უფლებადამცველებმა პეტიციაც კი შეადგინეს, რომელშიც ნათქვამია, რომ: „კანონპროექტი ქვეყანაში უკანონო ქორწინებების და 18 წლამდე  გოგონების იძულებით დაქორწინების პრაქტიკას დაამკვიდრებს, რაც რეალურად ქალთა უფლებების გაუქმებას ნიშნავს, უფლებების, რომელიც ქალებმა ნახევარი საუკუნის წინ მოიპოვეს."

 

 

ზოგიერთი ისლამური მოძრაობის წევრები ერაყში თვლიან, რომ გოგონები 9 წლის ასაკში უნდა დაქორწინდნენ, რადგან ერთ-ერთი ინტერპრეტაციის მიხედვით, მოციქული მუჰამადის ცოლი 9 წლის იყო, ხოლო სხვები ამტკიცებენ, რომ ქალისთვის დაქორწინება ნებადართული სქესობრივი მომწიფების შემდეგ უნდა იყოს.


 

UNICEF-ის ინფორმაციით, ერაყში ყოველი მეხუთე გოგონა ბავშვობის ასაკში ქორწინდება, ისინი წყვეტენ განათლებას, ნაადრევი ორსულობა კი, ხშირ შემთხვევაში, გარდაცვალებით სრულდება.

 

რელიგიური სასამართლოების აღდგენის შემთხვევაში კი ქმართან დაშორების შემდეგ ქალების უფლებები კიდევ უფრო შეილახება, რადგან, რელიგიური სექტების დიდი ნაწილი მიიჩნევს, რომ ქალი უძრავი ქონების გარეშე უნდა დარჩეს, ბავშვზე კი მეურვეობა მამამ უნდა აიღოს.

 

 

2014 წელს, ერაყის პარლამენტს უკვე ჰქონდა პირველი მცდელობა მიეღო კანონპროექტი, რომელიც ქალებისთვის ქორწინების ასაკს ცხრა წლით საზღვრავდა, გარდა ამისა, იგი ზღუდავდა ქალების უფლებებს განქორწინების, მემკვიდრეობის და განათლების კუთხით.

ტეგები: ერაყი პარლამენტი კანონპროექტი ქალები ქორწინებას

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

12 მინისტრი ქალი და 7 კაცი - ფინეთს ახალი მთავრობა ჰყავს

ფინეთს მსოფლიოში ყველაზე ახალგაზრდა პრემიერმინისტრი ეყოლება

ნიდერლანდებში კომპანიებს საბჭოებში ქალთა რაოდენობის გაზრდის მიზნით 30%-იანი კვოტა დაუწესეს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker