Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ქალთა საინფორმაციო ცენტრის განცხადება სქესის ნიშნით დსიკრიმინაციის ფაქტზე

კატეგორია: ექსკლუზივი 
2017-09-18

გვინდა გამოვეხმაუროთ ტელეკომპანია ‘იბერიის’ ეთერში არჩილ გამზარდიას საავტორო გადაცემაში, 14 სექტემბერს მომხდარ სიტყვიერ დაპირისპირებას, რომლის დროსაც ადგილი ჰქონდა გადაცემის ერთ-ერთი სტუმრის მიმართ გენდერული ნიშნით დისკრიმინაციას.


 

გადაცემის მსვლელობის დროს საზოგადოება ‘სტალინელის’ თავმჯდომარემ გრიშა ონიანმა სიტყვიერი შეურაცხყოფა მიაყენა ქალაქ გორის საკრებულოს დამოუკიდებელ დეპუტატს თამარ თედლიაშვილს, გორის მთავარი მოედნისთვის სახელის გადარქმევის თაობაზე დაწყებულ დისკუსიაში.


 

გრიშა ონიანმა ოპონენტის მიმართ გამოიყენა შეურაცხმყოფელი სიტყვები, რომლის დროსაც ხაზგასმით აღნიშნავდა თამარ თედლიაშვილის სქესს. ეს  ქმედება უხეშად არღვევს საქართველოს კონსტიტუციის 14-ე მუხლს:


 

• ყველა ადამიანი დაბადებით თავისუფალია და კანონის წინაშე თანასწორია განურჩევლად რასისა, კანის ფერისა, ენისა, სქესისა, რელიგიისა, პოლიტიკური და სხვა შეხედულებებისა, ეროვნული, ეთნიკური და სოციალური კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა. 


ასევე დისკრიმინაციის ყველა ფორმის აღმოფხვრის შესახებ კანონს.


 

• კანონის მიზანია დისკრიმინაციის ყველა ფორმის აღმოფხვრა და ნებისმიერი ფიზიკური და იურიდიული პირისათვის საქართველოს კანონმდებლობით დადგენილი უფლებებით თანასწორად სარგებლობის უზრუნველყოფა, რასის, კანის ფერის, ენის, სქესის, ასაკის, მოქალაქეობის, წარმოშობის, დაბადების ადგილის, საცხოვრებელი ადგილის, ქონებრივი ან წოდებრივი მდგომარეობის, რელიგიის ან რწმენის, ეროვნული, ეთნიკური ან სოციალური კუთვნილების, პროფესიის, ოჯახური მდგომარეობის, ჯანმრთელობის მდგომარეობის, შეზღუდული შესაძლებლობის, სექსუალური ორიენტაციის, გენდერული იდენტობისა და გამოხატვის, პოლიტიკური ან სხვა შეხედულების ან სხვა ნიშნის მიუხედავად.


 

გარდა ამისა, უნდა აღინიშნოს რომ გადაცემის წამყვანი, არჩილ გამზარდია მხოლოდ რამდენიმე სიტყვიერი გაფრთხილებით შემოიფარგლა რესპოდენტის მისამართით. მიუხედავად იმისა რომ გაფრთხილების ადრესატი არ აპირებდა გაჩერებას, არ მომხდარა მისი ეთერიდან გათიშვა ან სხვა რაიმე სახით ამ პროცესის შეჩერება. ტელეკომპანიამ გადაცემის სრული ვერსია მოგვიანებით YouTube-ს არხზეც განათავსა და ის დღემდე ხელმისაწვდომია, რაც ხელს უწყობს მის ტირაჟირებას.  ეს ქმედება კი მაუწყებლის ქცევის კოდექსის დარღვევაა სადაც 40-ე, 54-ე და 56-ე  მუხლებში ვკითხულობთ:


 

• 40. შეურაცხმყოფელი ლექსიკა:უხამსი ქმედება და შეურაცხმყოფელი ლექსიკა არ უნდა იქნეს გამოყენებული არასრულწლოვანთათვის განკუთვნილ პროგრამებში და წყალგამყოფის მოქმედების პერიოდში.


 

• მუხლი 54. მავნე და შეურაცხმყოფელი მასალისგან დაცვის პრინციპი: მაუწყებელმა უნდა დაიცვას საყოველთაოდ აღიარებული სტანდარტები, რათა უზრუნველყოს საზოგადოების წარმომადგენელთა დაცვა მავნე და შეურაცხმყოფელი მასალისგან.


 

• მუხლი 56. სახელმძღვანელო რეკომენდაციები მაუწყებლის მიერ პოტენციური ზიანისა და შეურაცხყოფისაგან დაცვის შესახებ: აუდიტორიის შეურაცხყოფის თავიდან აცილების მიზნით მაუწყებელი განსაკუთრებული ყურადღებით უნდა მოეკიდოს შეურაცხმყოფელი ლექსიკის გამოყენებას.


 

ჩვენ აღშფოთებულები ვართ ტელეკომპანია ‘იბერიის’ ეთერში მომხდარის გამო და მივმართავთ სახალხო დამცველს შეისწავლოს აღნიშნული გარემოებები და მოახდინოს შესაბამისი რეაგირება.

 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

თბილისში საკრებულოს წევრ ქალთა ფორუმის მე-6 ყოველწლიური კონფერენცია მიმდინარეობს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker