Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ჟენევაში ქართულმა მხარემ უკანონო დაკავებების და ოთხოზორიას მკვლელობის საკითხი დააყენა

კატეგორია: დევნილები 
2016-12-15

13-14 დეკემბერს ჟენევის საერთაშორისო მოლაპარაკებების 38-ე რაუნდი შედგა. გაიმართა ორი სამუშაო ჯგუფის შეხვედრა, სადაც მოლაპარაკებების მონაწილეები ინდივიდუალური სტატუსით იყვნენ წარმოდგენილნი. მოლაპარკებების 38-ე რაუნდის შესახებ ინფორმაციას საგარეო საქმეთა სამინისტრო ავრცელებს.


პირველი სამუშაო ჯგუფის ფარგლებში განიხილეს საქართველოს ოკუპირებულ ტერიტორიებზე – აფხაზეთსა და ცხინვალის რეგიონში – უსაფრთხოებისა და სტაბილურობის საკითხები, ხოლო მეორე სამუშაო ჯგუფში – იძულებით გადაადგილებულ პირთა და ლტოლვილთა საკუთარსაცხოვრებელ სახლებში უსაფრთხო და ღირსეულ დაბრუნებასთან დაკავშირებული საკითხები.

 

მოლაპარაკებებს თანათავმჯდომარეობდნენ ევროკავშირის, გაერო-სა და ეუთო-ს წარმომადგენლები დაესწრებოდნენ მონაწილეები საქართველოდან, რუსეთის ფედერაციიდან და ამერიკის შეერთებულიშტატებიდან.

 

მოლაპარაკებებში მონაწილეობდნენ ყოფილი სამხრეთ ოსეთის ავტონომიური ოლქის დროებითი ადმინისტრაციის ხელმძღვანელი და აფხაზეთის ავტონომიური რესპუბლიკის მთავრობისთავმჯდომარე ისევე, როგორც ცხინვალისა და სოხუმის საოკუპაციო რეჟიმების წარმომადგენლები.

 

ორივე სამუშაო ჯგუფში შედგა უსაფრთხოების, ადამიანის უფლებებისა და ჰუმანიტარული კუთხით ადგილზე არსებული მძიმე მდგომარეობის ინტენსიური განხილვა.

 

მონაწილეებმა საქართველოდან დააყენეს აფხაზეთისა და ცხინვალის რეგიონების მიმდინარე ოკუპაციის საკითხი და დაგმეს რუსეთის ფედერაციის მხრიდან შეიარაღებული ძალების გაერთიანებული დაჯგუფების თაობაზე ე.წ. შეთანხმების რატიფიკაცია, როგორც საქართველოს ოკუპირებული ტერიტორიების ანექსიისკენ გადადგმული მორიგი ნაბიჯი.

 

მონაწილეებმა საქართველოდან  თანათავმჯდომარეებსა და სხვა მონაწილეებს მიაწოდეს დეტალური ინფორმაცია რუსეთის ფედერაციის მიერ აფხაზეთისა და ცხინვალის რეგიონებში წლის განმავლობაში მიმდინარე მილიტარიზაციისა და სამხედრო წვრთნების თაობაზე, ასევე  ყურადღება გაამახვილეს გალის რაიონში ე.წ. სასაზღვრო ზონის შექმნასთან დაკავშირებით გავრცელებულ ინფორმაციაზე, რაც კიდევ უფრო შეზღუდავს ადგილზე თავისუფალ გადაადგილებასა და სხვა ფუნდამენტურ უფლებებს და მოითხოვეს შესაბამისი განმარტებები საოკუპაციო რეჟიმის მხრიდან.

 

გაიმართა ინტენსიური მოლაპარაკებები ძალის არგამოყენებისა და ადგილზე უსაფრთხოების საერთაშორისო მექანიზმების შექმნის თაობაზე. რუსეთის ფედერაციის დესტრუქციული პოზიციის გამო, ვერ მოხერხდა კონსესუსის მიღწევა მონაწილეთა შესაბამის განცხადებასთან დაკავშირებით.

 

მონაწილეებმა საქართველოდან შეშფოთება გამოხატეს საოკუპაციო ხაზის გასწვრივ მავთულხლართებისა და სხვა ხელოვნური ბარიერების აღმართვის, ასევე აფხაზეთის საოკუპაციო ხაზის გასწვრივ ე.წ. „გამშვები პუნქტების“  შემცირების  გამო.

 

საქართველოდან მონაწილეების მიერ ასევე დაისვა ადგილობრივი მოსახლეობისთვის გადაადგილების თავისუფლების შეზღუდვის, უკანონო დაკავებებისა და გატაცებების საკითხი. ხაზი გაესვა ვითარების გამოსწორების მიზნით სათანადო ნაბიჯების გადადგმის აუცილებლობას.

 

მონაწილეებმა საქართველოდან კვლავ დააყენეს 2016 წლის მაისში სოფელ ხურჩაში მომხდარ მკვლელობაში ბრალდებული პირის დაკავების საკითხი.

 

მონაწილეებმა საქართველოდან ისაუბრეს ასევე ოკუპირებული აფხაზეთისა და ცხინვალის რეგიონებშიკულტურული მემკვიდრეობის დაცვის საკითხზე და ამ მიმართულებით შემდგომი მუშაობის მზადყოფნაზე.

 

ქართულმა დელეგაციამ ყურადღება გაამახვილა იძულებით გადაადგილებულ პირთა და ლტოლვილთადაბრუნების საკითხზე. თემის განხილვისას რუსეთის ფედერაციისა და საოკუპაციო რეჟიმებისწარმომადგენლებმა დატოვეს მოლაპარაკებების დარბაზი, რითაც კიდევ ერთხელ გაუსვეს ხაზი თავიანთ არაკონსტრუქციულ დამოკიდებულებას მოლაპარაკებების პროცესის მიმართ. თანამოდერატორების მხრიდან აღინიშნა ლტოლვილთა და იძულებით გადაადგილებულ პირთა დაბრუნების შესახებ არსებითი განხილვისაუცილებლობა.

 

შეხვედრაზე ასევე ყურადღება გამახვილდა გალის რაიონში მცხოვრები ქართველი მოსახლეობისთვის მშობლიურ ენაზე განათლების მიღების აკრძალვაზე. აღინიშნა ამ მიმართულებით ქმედითი ზომების გატარების მნიშვნელობა.

 

აღსანიშნავია, რომ 13 დეკემბერს გაიმართა საინფორმაციო სესია მშობლიურ ენაზე განათლების მიღების საკითხზე. ღონისძიებაზე მოწვეულმა საერთაშირისო ექსპერტებმა ხაზი გაუსვეს მშობლიურ ენაზე სწავლების საჭიროებას და ამ ფუნდამენტური უფლების დაცვის აუცილებლობას.  მათ მონაწილეებს გააცნეს ამ მიმართულებით საერთაშორისო სამართლებრივი ნორმები და არსებული პრაქტიკა.

 

ჟენევის საერთაშორისო მოლაპარაკებების მორიგი რაუნდი გაიმართება 2017 წლის 28-29 მარტს.


წყარო 

ტეგები: ჟენევის საერთაშორისო მოლაპარაკებები

წინა გვერდი 

Webmaster

 

ანონსები

ხვალ გლობალური ბიზნეს ფორუმი გაიმართება

პროექტის „ასე უფრო მარტივია“ - შემაჯამებელი შეხვედრა

გენდერული კვოტირების შესახებ ახალ კანონპროექტს 37 455 ამომრჩეველი აწერს ხელს

 

მიმართვა

პეტიცია უზენაესი სასამართლოს თავმჯდომარეობის ქალ კანდიდატთა მხარდასაჭერად

ხელმოწერა

ქალთა საინფორმაციო ცენტრის განცხადება

ხელმოწერა

ქალები პოლიტიკაში - ახალი დღის წესრიგი!

ხელმოწერა

მიმართვა აფხაზეთში მცხოვრებ ქალებს

ხელმოწერა

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ერთიანი ნაციონალური მოძრაობის თბილისის საარჩევნო სია

თბილისში ქართული ოცნების 58 კაციან პარტიულ სიაში 24 % ქალია

მარნეულში მეორბისთვის პირველად 2 ქალი კანდიდატი იბრძოლებს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

მონობაში მყოფ ადამიანთა შორის ქალები და გოგონები უმრავლესობას შეადგენენ

დიდ ბრიტანეთში უკრაინელების მონად გაყიდვას აპირებდნენ

ადამიანის ვაჭრობაში ბრალდებულს 13 წლით თავისუფლების აღკვეთა მიესაჯა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

IWPR
eXTReMe Tracker