Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

განათლების შესახებ: II ნაწილი

სოფი ბერია
კატეგორია: ექსკლუზივი 
2016-09-01

დღეს დღეობით 66 მილიონზე მეტი გოგონასთვის სკოლაში სიარულის ალტერნატივა გათხოვებაა. ამ მხრივ არც მალალა იუსეფზაის ცხოვრება იქნებოდა განსხვავებული, ხმა რომ არ ამოეღო და სწავლის უფლება რომ არ დაეცვა. სწორედ ამის გამო, 13 წლის ასაკში, თალიბანმა მისი მოკვლა სცადა, თუმცა უშედეგოდ. 17 წლისას კი უკვე ნობელის პრემია გადასცეს. „მსურს, რომ ყველა ბავშვს ჰქონდეს სრულფასოვანი განათლების მიღების შესაძლებლობა,“ განაცხადა მალალამ ერთ-ერთი ინტერვიუში. „მოდი, ვიყოთ პირველი თაობა, რომელიც უკანასკნელები ვნახავთ ცარიელ საკლასო ოთახებს, დაკარგულ ბავშვობასა და გაფლანგულ პოტენციალს.“


საქართველოშიც არიან გოგონები, რომლებიც, გათხოვების ან რაიმე მატერიალურზე გადაცვლის მიზნით, სკოლიდან გამოჰყავთ. თითქოს მათ უკეთ უნდა ესმოდეთ ხარისხიანი განათლების ფასი, მაგრამ მაშინ რატომ არ იღებს არც ერთი ხმას? ოჯახში ძალადობის, ექსპლუატაციის, ტრეფიკინგის მსხვერპლიც არა ერთია, მაგრამ რატომ არ ცდილობს არცერთი მათგანი იყოს უკანასკნელი, ვისი უფლებებიც შელახეს?

 

ნუთუ ვერ ვაცნობიერებთ საკუთარი ხმის ძალას?

ნუთუ ველოდებით, როდის მოგვცემენ ხმის ამოღების უფლებას?


თანასწორობა, სხვისი აზრის პატივისცემა, ან სამართლიანობა სკოლაში არ მისწავლია. სამაგიეროდ, მყავდა „ყოვლის მცოდნე“, მკაცრი მასწავლებლები, რომლებიც ავტორიტეტის მოპოვებას ყვირილით, მუქარითა და დაცინვით ცდილობდნენ. ვერ იტანდნენ განსხვავებულ აზრსა და ზედმეტ შეკითხვებს, როგორც, ათწლეულების წინ, მათი მასწავლებლები, საბჭოთა კავშირში. ალბათ ხშირად ვერც კი ვაცნობიერებთ, რამხელა გავლენა აქვს არა მხოლოდ საკუთარ, არამედ ჩვენთან ახლოს მყოფი ადამიანების წარსულ გამოცდილებებს, რწმენებსა და ფასეულობებს. მალალას სიმამაცის ერთ-ერთი უმნიშვნელოვანესი განმაპირობებელი მამამისია; აქტივისტი, რომელმაც იცის ხარისხიანი განათლების ფასი და ყოველთვის ემიჯნებოდა იდეოლოგიას, რომელმაც მის შვილს სწავლა აუკრძალა. სწორედ მან მისცა მაგალითი, საკუთარი უფლებებისთვის ებრძოლა 11 წლის ბავშვს, ჩვენთან კი უკვე მერამდენე თაობას ვასწავლით, რომ სიჩუმე უსაფრთხოებაა.

 

12 ივლისი მალალას დაბადების დღეა. ყოველი ქალის, კაცის, გოგოსა და ბიჭის დღე, ვისაც განათლების მიღება სურს. ვისაც სჯერა, რომ წიგნები და კალმები ყველაზე ძლიერი იარაღია, და ვინც ფიქრობს, რომ ერთ ბავშვს, ერთ მასწავლებელს, ერთ წიგნსა და ერთ კალამს სამყაროს შეცვლა შეუძლია. რადგან როდესაც ექსტრემისტულ იდეოლოგიას წინ აღუდგა, ამით მალალამ ყველას გვაჩვენა, რომ საკუთარი უფლებების დასაცავად ნებართვა არ გვჭირდება.

ტეგები: განათლება საქართველო

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

თბილისში საკრებულოს წევრ ქალთა ფორუმის მე-6 ყოველწლიური კონფერენცია მიმდინარეობს

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker