Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

გალში IPRM-ის ფარგლებში მორიგი შეხვედრა გაიმართა

კატეგორია: დევნილები 
2016-07-08

გალის რაიონში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრა გაიმართა.

აფხაზური გამოცემა აპსნიპრესის ცნობით, შეხვედრაზე რიგ საკითხებთან ერთად განიხილეს 2007 წლის 3 თებერვალს გალის რაიონის საარჩევნო კომისიის ხელმძღვანელის, დავით სიგუას გატაცების, 2008 წლის 22 ოქტომბერს სამხედრო პირის, ედუარდ ემინზადეს მკვლელობის ფაქტები და ადგილზე შექმნილი სიტუაცია.

აფხაზური მხარის მხრიდან, როგორც გამოცემა წერს, საკითხი დააყენეს გალის რაიონში იარაღის, საბრძოლო და ასაფეთქებელი ნივთიერებების სამალავის აღმოჩენის შესახებ. აფხაზური მხარის ინფორმაციით, სამალავი საქართველოს დივერსიული ჯგუფების მიერ იყო აღჭურვილი.

გამოცემის ცნობითვე, ქართული მხარის მიერ 2016 წლის 19 მაისს საკონტროლო-გამშვებ პუნქტზე [ნაბაკევი] გიგა ოთხოზორიას მკვლელობის საკითხი წამოიწია: “მხარეებმა აღნიშნული მკვლელობის გამოძიებაზე მოსაზრებები გაცვალეს”.

“მთლიანობაში შეხვედრა კონსტრუქციულ ატმოსფეროში გაიმართა. მხარეები შეთანხმდნენ, რომ IPRM-ის ფარგლებში შეხვედრებს განაგრძობენ. მორიგი შეხვედრა 2016 წლის 2 აგვისტოს გაიმართება”.

რამდენიმეწლიანი პაუზის შემდეგ პირველი განახლებული შეხვედრა გალში 2016 წლის 27 მაისს გაიმართა.

გალის რაიონში IPRM-ის შეხვედრების აღდგენის შესახებ მხარეები ჟენევის საერთაშორისო დისკუსიების 35-ე რაუნდზე, 22-23 მარტს შეთანხმდნენ.

IPRM -ის შეხვედრები, ერგნეთის მსგავსად, 2009 წლიდან გალშიც იმართებოდა, თუმცა 2012 წელს აფხაზური მხარის გადაწყვეტილებით შეწყდა. აფხაზურმა მხარემ მისიის ყოფილი ხელმძღვანელი ევროკავშირიდან საქართველოში, ანჯეი ტიკშკევიჩი აფხაზეთის ტერიტორიაზე “არასასურველ პირად” გამოაცხადა.


 

წყარო 

ტეგები: გალი ინციდენტების პრევენციისა და მათზე რეაგირების მექანიზმი

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

შსს-ს ადამიანის უფლებათა დაცვის დეპარტამენტის დირექტორად ნინო ცაციაშვილი დაინიშნა

ავსტრიაში პირველად კანცლერად ქალი დაინიშნა

ესპანეთმა აირჩია ყველაზე გენდერულად დაბალანსებული პარლამენტი ევროპაში

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker