Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

მოხეში მუსლიმები და ქრისტიანები დაუპირისპირდნენ

ნინო ნარიმანიშვილი, თამუნა უჩიძე,
კატეგორია: ეროვნული უმცირესობები 
2014-10-20

დაპირისპირება მოხეში დღეს, 18 ოქტომბერს, დილიდან დაიწყო. სოფელში დაძაბულობა მეჩეთის ძველ შენობასთან სამშენებლო კომპანიის მუშახელის გამოჩენამ გამოიწვია.

 

შეგახსენებთ, მუსლიმები შენობის მუსლიმთა სამმართველოსთვის გადაცემას ითხოვენ, ადიგენის გამგეობაში კი განაცხადეს, რომ შენობას კულტურის სახლის სტატუსი აქვს და მისი რებილიტაციისთვის ტენდერი გამოაცხადეს.

 

ტენდერში გამარჯვებული კომპანია დღეს მოხეში იმისთვის ავიდა, რომ შენობის დემონტაჟი და ამ ადგილას კულტურის სახლის მშენებლობა დაეწყო. მუშების გამოჩენისთანავე შენობასთან მუსლიმი მრევლი შეიკრიბა და მათ მუშაობის შეწყვეტა მოსთხოვა. მალევე სოფლის ცენტრში ადგილობრივი ქრისტიანები მივიდნენ.

 


ქრისტიანები აცხადებენ, რომ მუსლიმი მრევლი მშენებლებს თავს დაესხა და მუშაობის შეწყვეტა მოსთხოვა. ამ ფაქტს კატეგორიულად უარყოფენ მუსლიმები. ისინი ამბობენ, რომ მშენებლებს თავს არ დასხმიან, უბრალოდ მივიდნენ და სთხოვეს ნგრევა შეეწყვიტათ. მშენებლებმა სოფელი მაშინვე დატოვეს. მუსლიმი მრევლი მშენებლებს თავს რომ არ დასხმია ამას საქართველოს შინაგან საქმეთა სამინისტროშიც ადასტურებენ. მოხელი სამართალდამცველები დილიდანვე იმყოფებოდნენ.

 

სოფლის ცენტრში შეკრებილი ქრისტიანები ამბობენ, რომ არ დაუშვებენ შენობის მუსლიმთა სამმართველოსთვის გადაცემას და ამ ადგილას რაიმე მუსლიმური შნეობის აშენებას. მუსლიმები კი ირწმუნებიან, რომ შენობას სისხლის ფასად დაიცავენ და არ მისცემენ უფლებას ამ ადგილას კულტურის სახლი ააშენონ.

 

ამ დროისთვის მოხეში სიმშვიდეა. სოფლის ცენტრში ისევ რჩებიან მუსლიმებიც და ქრისტიანებიც. შეკრებილები აცხადებენ, რომ ადგილობრივი თვითმმართველობის წარმომადგენლებს ელოდებიან. სოფელში ისევ რჩებიან სამართალდამცველებიც.

 

მუსლიმი მრევლი სოფელში ელოდება სამცხე–ჯავახეთის მუფთს მამუკა ვაშაყმაძესა და ჭელის მეჩეთის წინამძღვარს ჯამბულ აბულაძესაც, რომლებიც მოხეში ბათუმიდან მოდიან. გუშინ, 17 ოქტომბერს, მუსლიმი მრევლი ბათუმში პრემიერს შეხვდა. რაზე ისაუბრეს შეხვედრაზე, განიხილეს თუ არა მოხის სადაო მეჩეთის თემა და რას დაჰპირდა პრემიერი მუსლიმებს, ამის შესახებ „სამხრეთის კარიბჭე“ ჯამბულ აბულაძის მოხეში დაბრუნებისთანავე მოგითხრობთ.

 

შეგახსენებთ, აღნიშნული შენობის მუსლიმი თემისთვის გადაცემის მოთხოვნით სრულიად საქართველოს მუფთმა ჯემალ პაქსაძემ ადიგენის მუნიციპალიტეტის გამგეობას მიმდინარე წლის 30 მაისს მიმართა. ადიგენის გამგეობაში ირწმუნებიან, რომ შენობას კულტურის სახლის სტატუსი აქვს და მისი შეცვლა არ შეუძლიათ. შენობის გამო ეს დაპირისპირების პირველი შემთხვევა არ არის. მუსლიმები და ქრისტიანები ერთმანეთს მიმდინარე წლის 12 სექტემბერსაც დაუპირისპირდნენ. მუსლიმები ადგილობრივ ხელისუფლებას ცრუ დაპირებაში ადანაშაულებენ და ამბობენ, რომ წინასაარჩევნოდ ისინი გამოიყენეს.

 

წყარო 

ტეგები: მოხეში დემონტაჟი მუსლიმი მეჩეთი ქრისტიანები

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ნინო ცაციაშვილი შინაგან საქმეთა მინისტრის მოადგილედ დაინიშნა

ბოლივიის პრეზიდენტის მოვალეობის შემსრულებელი ქალი გახდა

მაია მიმინოშვილი განათლების მინისტრის თანამდებობაზე ერთ-ერთ კანდიდატად განიხილება

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker