Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ბავშვზე ძალადობის ფაქტის დამალვა დაისჯება

კატეგორია: გენდერული ძალადობა 
2013-07-03

ოჯახში ბავშვზე განხორციელებული ძალადობის ფაქტების შესაბამისი ორგანოებისთვის მიწოდება შესაძლოა, სავალდებულო გახდეს. წინააღმდეგ შემთხვევაში კი ეს კანონით დასჯად ქმედებად იქცეს. ამას "ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ" კანონში შესატანი ცვლილებების პროექტი და მასთან დაკავშირებული სხვა გამომდინარე კანონპროექტები ითვალისწინებს.
 
"ეს ვალდებულება შეეხება სამედიცინო დაწესებულებებს, სასწავლო და სააღმზრდელო დაწესებულებებს, სამართალდამცავ ორგანოებს, სოციალური მომსახურების სააგენტოს, მეურვეობისა და მზრუნველობის ორგანოებს და მათი უფლებამოსილ თანამშრომლებს. ასევე, ეს ვალდებულება კანონით ეკისრებათ ბავშვთა დაცვის მიმართვიანობის პროცედურებში ჩართულ სხვა შესაბამის დაწესებულებებსა და მათ უფლებამოსილ თანამშრომლებს. თუ ამ დაწესებულების თანამშრომლებმა შეიტყვეს, რომ არსებობს ბავშვებზე ძალადობის ფაქტები, ისინი ვალდებულები არიან, აცნობონ შესაბამის სამსახურებს", - აცხადებს "ალიასთან" საუბარში კანონპროექტის ერთ-ერთ ავტორი დეპუტატი გუგული მაღრაძე.

კანონპროექტის თანახმად, ბავშვებზე ძალადობის შესახებ შეტყობინება სოციალურ სამსახურებს უნდა მიეწოდოთ, რომლებიც ოჯახურ ძალადობაზე მუშაობენ და ასევე პოლიციას. რაც შეეხება ცალკეულ პირებს, ვინც შეიტყობს ძალადობაზე ინფორმაციას, მეზობელი იქნება ეს, მეგობარი თუ უბრალოდ რიგითი გამვლელი, მათ არ ენიჭებათ ვალდებულება კანონით.

"ასეთ პირებს, არ ენიჭებათ ვალდებულება კანონით.


თუმცა, ბუნებრივია, კარგი იქნება, თუ ისინიც შეატყობინებენ შესაბამის სამსახურებს მსგავსი ფაქტების შესახებ", - აცხადებს გუგული მაღრაძე.

კანონპროექტის მიხედვით, შესაბამისი სამსახურების თანამშრომელი, რომელმაც იცის, რომ ბავშვზე ძალადობა ხდება და არ ჩააყენებს პოლიციას საქმის კურსში, ჯარიმდება პირველ ჯერზე 50 ლარით, ხოლო მეორედ - 100 ლარით.

კანონპროექტი უკვე გადაიგზავნა განათლების, იუსტიციისა და შს სამინისტროებში და შესაბამისი პროცედურებიც გაიარა. მის დამტკიცებას ავტორები საშემოდგომო სესიებზე ვარაუდობენ.
 


 


წყარო 

ტეგები: ოჯახში ძალადობა გუგული მაღრაძე

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ფინეთს მსოფლიოში ყველაზე ახალგაზრდა პრემიერმინისტრი ეყოლება

ნიდერლანდებში კომპანიებს საბჭოებში ქალთა რაოდენობის გაზრდის მიზნით 30%-იანი კვოტა დაუწესეს

ნინო ცაციაშვილი შინაგან საქმეთა მინისტრის მოადგილედ დაინიშნა

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker