Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

უფასო სახელმძღვანელოები მხოლოდ ერთი მამის შვილებისთვის

დავით შალიკაშვილი
კატეგორია: გენდერი კავკასიაში 
2012-06-11

განათლების სამინისტრო იმ ოჯახებს, სადაც სამი და სამზე მეტი ბავშვი იზრდება, სასკოლო სახელმძღვანელოების უფასოდ დარიგებას დაჰპირდა. თუმცა, იქვე კორექტივები შეიტანეს - ბავშვებს საერთო მამა უნდა ჰყავდეთ.

"დაგვიბარეს მშობლები, ვისაც სამი და მეტი შვილი ჰყავს, მათ შორის მეც. დაგვაწერინეს განცხადებები, მაგრამ სკოლის ადმინისტრაციამ ჩემი განცხადება ერთადერთი მოტივით არ ჩაიბარა, რომ ჩემს მესამე შვილს სხვა გვარი აქვს. როდესაც გაიგეს, რომ მესამე შვილი მყავდა მეორე ქორწინებიდან, მითხრეს, რომ ამის გამო წიგნებს უფასოდ ვერ მივიღებდი", - აცხადებს თბილისელი ეკა ალფაიძე, რომლის შვილებიც არა თალიბების კონტროლს დაქვემდებარებულ ავღანეთის რომელიმე პროვინციაში, არამედ თბილისის 53-ე საჯარო სკოლაში სწავლობენ.

ეკა ალფაიძე ამტკიცებს, რომ სკოლის ადმინისტრაციამ მას უფასო სახელმძღვანელოების მისაღებად წარსადგენი დოკუმენტაციის სია უჩვენა, სადაც არის პუნქტი, რომელშიც შავით თეთრზე წერია, რომ "ბავშვებს საერთო მშობლები უნდა ჰყავდეთ."

პროტესტის გამოთქმის შემდეგ, სკოლის ადმინისტრაციამ, როგორც ასეთ შემთხვევაში ხშირად ხდება ხოლმე, მშობელი "ზევით", ანუ რესურსცენტრში გადაამისამართა. იქ კი, ისეთივე, მშობელთათვის და კლასის დამრიგებლებისთვის განკუთვნილი "სამახსოვრო ბუკლეტი" დახვდა. უფასო სახელმძღვანელოების მისაღებად საჭირო მონაცემთა ჩამონათვალში, აქაც, შავით თეთრზე წერია: "ბავშვებს საერთო მშობლები უნდა ჰყავდეთ." ხოლო, როდესაც სიტყვა დისკრიმინაცია ახსენა, იქით დაანამუსეს: "რა დისკრიმინაციაზეა საუბრობთ, როდესაც მინისტრს განზრახული აქვს თქვენნაირ მრავალშვილიან ოჯახებს დაეხმაროს, და თუ თქვენს შვილებს არა ჰყავთ საერთო მამა, ეს არ ნიშნავს, რომ სხვებსაც არ ჰყავთ და ისინიც ვერ მიიღებენ წიგნებს. გვესმის თქვენი აღშფოთება, მაგრამ ჩვენც უნდა გაგვიგოთ, გვერწმუნეთ, მინისტრს მხოლოდ კეთილი ზრახვა ამოძრავებს.."

ეკა ალფაიძემ ამის შემდეგაც კი ვერ დაიჯერა, რომ განათლების სამინისტროს მსგავსი შინაარსის მითითება შეიძლებოდა სკოლებისათვის დაეგზავნა. ამიტომ განათლებისა და მეცნიერების მინისტრს განცხადებით მიმართა. განცხადებაში წერდა, რომ იმყოფებოდა კანონიერ ქორწინებაში, ჰყავდა სამი შვილი, რომლებიც, ასევე, კანონიერი ქორწინების შედეგად შეეძინა.

განცხადება ორი კვირის წინ შეიტანა. სამინისტროდან პასუხი ჯერაც არ მიუღია. ისიც იფიქრა, იქნებ "გაუგებრობა" ზედმეტი ხმაურის გარეშე გამოასწორესო. მაგრამ სკოლაში მისული კვლავ იმავე პასუხით გამოისტუმრეს.

"ამბები.გე" განათლების სამინისტროს პრესსამსახურის ხელმძღვანელს, ნინო პოტრჟებსკაიას დაუკავშირდა: "არის კრიტერიუმის ჩამონათვალი, სადაც ასეთი რამ არ წერია. წერია ის, რომ სახელმძღვანელოები ეკუთვნით მრავალშვილიან ოჯახებს, სამი და მეტი ბავშვის ყოლის შემთხვევაში, რომელთა შემოსავალი არ აღემატება 40 ათას ლარს. მსგავსი რაღაც იქ დაზუსტებული არ არის", - აცხადებს პოტრჟებსკაია.

არადა, დაზუსტებულიც არის და წერია კიდეც, შავით თეთრზე: "ბავშვებს საერთო მშობლები უნდა ჰყავდეთ."

ფოტო: ”გურიანიუსი”

 

წყარო 

ტეგები: დედა მრავალშვილიანი

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ნათია მეზვრიშვილი პრემიერ-მინისტრის აპარატის უფროსად დაინიშნა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker