Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

იფიქრე ჯანმრთელობაზე და არა ნარკოტიკზე

მარიამ ყიასაშვილი
კატეგორია: პრესკლიპინგი 
2010-06-30

"იფიქრე ჯანმრთელობაზე და არა ნარკოტიკზე" - ეს ნარკოტიკების მოხმარებისა და არალეგალური ბრუნვის წინააღმდეგ ბრძოლის მსოფლიო დღის 2010 წლის დევიზია.

1987 წლიდან ეს დღე, გაეროს ასამბლეის გადაწყვეტილებით, ყოველ 26 ივნისს აღინიშნება. წლევანდელი თემა: ახალგაზრდობა და ჯანმრთელობაა.

ეს დღე მიზნად ისახავს, საზოგადოებასა და განსაკუთრებით ახალგაზრდებში, აკრძალული ფსიქოაქტიური ნივთიერებების მავნებლობის შესახებ ინფორმირებულობის ამაღლებას. გაეროს ნარკოტიკებისა და დანაშაულის წინააღმდეგ ბრძოლის ბიუროს (UNODC) მონაცემებით, მსოფლიოში 200 მილიონი ადამიანი მოიხმარს არალეგალურ ნარკოტიკებს: ამფეტამინის ტიპის სტიმულატორებს, კანაბისს, კოკაინს, ჰალუცინოგენებს, ოპიატებს, საძილე და სედატიურ საშუალებებს. კამპანიის მიზანია ამ გლობალური პრობლემის საკითხში ინფორმირებულობის ამაღლება. ახალგაზრდების წახალისება, რომ პირველ ადგილზე დააყენონ საკუთარი ჯანმრთელობა, გააკეთონ სწორი არჩევანი და არ მიიღონ ნარკოტიკები.

წამალდამოკიდებულება არის ძალიან გავრცელებული, სიცოცხლისათვის საშიში მომაკვდინებელი დაავადება, მისი პრევენციის, მკურალობისა და აღმოფხვრის მიზნით მსოფლიოში და საქართველოშიც ინტენსიური მუშაობა მიმდინარეობს. 26 ივნისთან დაკავშირებით კვლავ განახლდა ამ თემის აქტუალურობა: საზოგადოებრივი გაერთიანება "ბემონი" და აღმოსავლეთ-დასავლეთის შიდსის ფონდი, ევროკავშირის ფინანსური მხარდაჭერით, ახორციელებს პროექტს "კახეთის რეგიონში ადგილობრივი არასამთავრობო სექტორის პოტენციალისა და კოორდინაციის გაძლიერება ნარკომანიისა და აივ/შიდსის პრევენციის მიმართულებით". პროექტის ფარგლებში თელავში ნარკოტიკების მოხმარებისა და აივ/შიდსის პრევენციის რესურს-ცენტრი და რეგიონალური სათათბირო გაიხსნება.

24 ივნისიდან 21 ივლისამდე კი "ვენის ექსპრესი 2010" იმოძრავებს აღმოსავლეთსა და დასავლეთში - გაივლის ავსტრიას, ბელგიას, გერმანიას, ნიდერლანდებს, რუსეთს, საქართველოს, უკრაინას, ყაზახეთს და სხვ. საბოლოოდ კი ვენაში შიდსისადმი მიძღვნილ საერთაშორისო კონფერენციაზე გაჩერდება. ვენის ექსპრესის მარშუტზე მრავალი აქცია გაიმართება, რომლის მონაწილეებსაც საშუალება ექნებათ, თავიანთი სურვილები და შეტყობინებები ვენის კონფერენციაზე გააგზავნონ, რომლის გახსნაზეც ეს ფურცლები ნატვრის ხეზე ფოთლებად დაიკიდება. ამ მოძრაობას საქართველოც უერთდება და 23-26 ივნისს ჩვენთანაც გაიმართება ვენის ექსპრესი 2010, დევიზით: ყველა ერთად სიცოცხლისთვის - ღონისძიების მიზანია ახალგაზრდებისათვის ინფორმაციის მიწოდება, მოწოდება იზრუნონ ცხოვრების ჯანსაღ წესზე და იფიქრონ ნარკოტიკების მოხმარებისა და აივ/შიდსის პრევენციის გზებზე.

სხვა ღონისძიებებთან ერთად ვენის ექსპრესი ერთ-ერთი უმნი-შვნელოვანესია. ვენის ექსპრესი 2010-ის ფარგლებში 23 ივნისს მოეწყო კონფერენცია, 24-ში გაიმართა მედიატური გორში. დღეს, 25 ივნისს გლდანის მასივში, დიღმის მასივში, საბურთალოზე, ავლაბრისა და თავისუფლების მოედნებზე, თანასწორგანმანათლებლებისა და საინფორმაციო საცეკვაო ტურის "სიცოცხლის ფერხულის" თანხლებით იმოძრავებს - ბანერებითა და მუსიკალური ტექნიკით აღჭურვილი ტრაილერი, რომელიც თითოეულ ზემოთჩამოთვლილ ადგილას 30 წუთიანი გაჩერებისას შოუს მოაწყობს და საზოგადოებას საინფორმაციო მასალებს და სუვენირებს გადასცემს.

ხოლო, 26 ივნისს კახეთის რეგიონში ინფორმაციის გავრცელებისა და საზოგადოების ჩართულობის გაზრდის მიზნით დასკვნითი ღონისძიება გაიმართება.

ნარკომანიის პრობლემას ხშირად ეძღვნება სხვადასხვა გადაცემები. ამ თემაზე ბევრი თანამედროვე ფილმი გადაღებულა, მაგრამ არაერთხელ გამიგია, რომ ნარკომანიის თემა ქართულ ფილმებში ბევრს აღიზიანებს. თუმცა ნუ დავივიწყებთ, რომ საქართველოში ეს პრობლემა დღესაც ძალიან აქტუალურია... ამიტომაც აუცილებელია მუდმივად შევახსენოთ საზოგადოებას, რომ ნარკომანია უმძიმესი სენია და რომ მასთან ბრძოლა მთელი საზოგადოების მონდომებისა და სურვილის შემთხვევაში, ნამდვილად შესაძლებელია.

 

წყარო 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ესპანეთმა აირჩია ყველაზე გენდერულად დაბალანსებული პარლამენტი ევროპაში

ინდოეთის პარლამენტში ქალებისთვის 33 % -იან კვოტას დააწესებენ

პირველად ჩიკაგოს მერი აფროამერიკელი ქალი გახდა

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

საბერძნეთში ბავშვებით ვაჭრობაში ბრალდებული საქართველოს მოქალაქე დააკავეს

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker