გაეროს ქალთა ევროპისა და ცენტრალური აზიის რეგიონული ოფისის (ECARO) და პეკინის+30 სამოქალაქო საზოგადოების მმართველი კომიტეტი, 10 სექტემბერს, სამოქალაქო საზოგადოების ორგანიზაციებს იწვევს ონლაინ დიალოგებზე.

დიალოგი გაიმართება შემდეგი საკითხების გარშემო: მონაწილეობა, ანგარიშვალდებულება და გენდერზე პასუხისმგებელი ინსტიტუტები; გარემოს დაცვა და აღდგენა.

მოგეხსენებათ, რომ საერთაშორისო საზოგადოება ქალთა მეოთხე მსოფლი კონფერენციის ოცდაათი წლისთავს და პეკინის დეკლარაციისა და სამოქმედო პლატფორმის (1995) მიღების იუბილეს აღნიშნავს. ეს პროცესი ეხმარება  უბიძგებს სახელმწიფოებს ქმედებების კრიტიკული მიმოხილვისა და პლატფორმის მიზნებთან შესაბამისობაში მოსვლისკენ.

პროცესი 2023 წელს დაიწყო და დასრულდება გლობალური შეფასებით, 2025 წლის მარტში, ქალთა სტატუსის კომისიის 69-ე სესიაზე. 2023 წელს, წევრმა სახელმწიფოებმა, ეროვნულ დონეზე, ჩაატარეს ყოვლისმომცველი მიმოხილვები მიღწეული პროგრესისა და იმ გამოწვევების შესახებ, რომლებიც გამოიკვეთა პეკინის დეკლარაციის და სამოქმედო პლატფორმის (BPfA)  განხორციელებისას.

მიმდინარე 2024 წლის 21-22 ოქტომბერს, ჟენევაში, CSW69-ის გლობალურ მიმოხილვამდე, გაეროს ეკონომიკური კომისია ევროპისთვის (UNECE) და გაეროს ქალთა ევროპისა და ცენტრალური აზიის რეგიონალური ოფისი (ECARO) ერთობლივად მოაწყობენ რეგიონალური მიმოხილვის შეხვედრას.

ამის გათვალისწინებით, გაეროს ქალთა ორგანიზაცია სამოქალაქო საზოგადოებისთვის და ახალგაზრდებისთვის რეგიონიდან უზრუნველყოფს სივრცეს დიალოგისთვის, რომლის ფარგლებშიც განსაკუთრებული ყურადღება დაეთმობა ქვეყნებს, რომლებიც პროგრამულად მხარდაჭერილები არიან. Შეხვედრა მიზნად ისახავს დიალოგების და ღია დისკუსიების ციკლის ხელშეწყობას პეკინის მოქმედების პლატფორმის 12 უმნიშვნელოვანეს სფეროში.

კონსულტაციებიის სერიიდან,  პირველი ორი ჩატარდა 2024 წლის 30 მაისს და 25 ივნისს.  10 სექტემბერს გაიმართება მესამე კონსულტაცია, 11:00-14:00, სტამბოლის დროით (GMT+3).

შეხვედრაზე დასასწრებად საჭიროა ონლაინ რეგისტრაცია შემდეგ ბმულზე.