გენდერული სიახლეები
ქალი მეწარმე-სტერეოტიპები გენდერული ნიშნით
2022-11-15 11:26:06

ბოლო პერიოდში ქვემო ქართლის რეგიონისთვის აქამდე ნაკლებად სახასიათო მიმართულება- მეღვინეობა აქტუალური და საინტერესო გახდა. ამის მთავარ მიზეზად შესაძლოა ის ფაქტიც მივიჩნიოთ, რომელიც ქვემო ქართლის რეგიონში, კერძოდ მარნეულის მუნიციპალიტეტის სოფელ იმირში აღმოჩენილი არტეფაქტებით მტკიცდება, არქეოლოგიური აღმოჩენის თანახმად, საქართველოში ღვინოს ჯერ კიდევ 8 000 წლის წინ აყენებდნენ.

ღვინოზე საუბრისას, მეწარმე სუბიექტად, ნებსით თუ უნებლიედ, მაშინვე წარმოვიდგენთ ელეგანტურ მამაკაცს, მცირე თუ მსხვილი ქარხნის „ჯარისკაცებივით“ ჩაწყობილი კასრების დერეფანში მოსიარულეს, რომელიც ამაყად ჰყვება მიღწევებზე, რომელიც სულ „მარტომ“ გაიარა. არც კი დავუშვებთ, რომ სოფლის მეურნეუბაში, კერძოდ კი მეღვინეობაში შესაძლოა ქალმა უფრო მნიშვნელოვანი და ღირებული შექმნას, მათ შორის ინოვაციურიც.

მინდა 20 წლის ლიკაზე მოგიყვეთ. გოგოზე, რომელმაც მისი ყოველდღიური დაუღალავი შრომითა და აღმოჩენებით დაამტკიცა, რომ ღვინო მხოლოდ კაცის საქმე არ არის! ის, სოფელ შულავერში ღვინის წარმოებით არის დაკავებული. მან, მცირე ასაკში გადაწყვიტა ოჯახის საქმიანობის გაგრძელება და პროფესიად მეღვინეობა აირჩია. პანდემიამ, გაყიდვების ნიშნული მკვეთრად შეამცირა თუმცა, მეწარმე ფიქრობს, რომ ეს მხოლოდ დროებითია და სწორი მენეჯმენტით ეს პრობლემა მალე დაიძლევა.

ლიკა კონცელიძე- მეღვინე გოგო, მარნეულიდან:

„მეღვინე ქალებს არასოდეს კითხავენ აზრს, მაგალითად რომელ ჭურჭელში სჯობს ამა თუ იმ ჯიშის ყურძნის დავარგება. იმიტომ, რომ ის ქალია, ეს სტერეოტიპი მე, როგორც მეღვინე ქალმა მინდა რომ სამუდამოდ დავამსხვრიო. იმის, მიუხედავად რომ ჯერ მხოლოდ 20 წლის ვარ. ვფიქრობ, არსებული გამოცდილება და პროფესია, რომელიც ავირჩიე აუცილებლად დამეხმარება ამ მიზნის მიღწევაში. ხშირად უთქვამთ, კონკრეტულ ქმედებაზე, რომ მე ქალი ვარ და ამას ვერ შევძლებ, თუმცა ეს მხოლოდ მათი აზრია და რეალობა სრულიად სხვაა. ქალებს ყველაფერი შეუძლიათ! ნუ შეუშინდებიან პრინციპულ გადაწყვეტილებებს, მიზნის მიღწევა ხომ რთული გზის გავლით არის ყველაზე სასიამოვნო“.

ლიკა ძლიერი ქალია! თუმცა ჩვენს გვერდით ცხოვრობენ სხვა ქალებიც, რომლებიც სწორედ გენდერული ჭრილით, სტერეოტიპების ეპოქას ვერ უმკლავდებიან და არსებულს ეგუებიან. ბიზნეს სექტორის ანალიზი გენდერულ ჭრილში სწორედ წარმოების პროცესის ორ ძირითად ფაქტორს მოიცავს: შრომას (დაქირავებით დასაქმებულები) და კაპიტალს (მეწარმეები/ბიზნესის მფლობელები). როგორც შრომის ბაზრის განხილვისას არის წარმოდგენილი, ქალები ნაკლებად არიან დასაქმებულები და მათი ხელფასიც დაბალია, თითქმის ყველა ეკონომიკურ სექტორში. საქართველოს სტატისტიკის ეროვნული სამსახურის 2020 წლის მონაცემებით საწარმოებში დასაქმებულ ქალთა ხელფასი 30-35% პროცენტით ნაკლებია მამაკაცთა სარგოსთან შედარებით. მაგალითისთვის, ქალის თვიური ხელფასი საშუალოდ 856 ლარია, კაცის კი 1 321 ლარი. იმის გათვალისწინებით, რომ ბოლო ათწლეულში ქალის როლი ოჯახის შენახვის (მატერიალური უზრუნველყოფის) მიმართულებით მკვეთრად გაზრდილია, მცირე ანაზღაურებად სამსახურებში ქალები დასაქმებაზე უარს ვერ/არ ამბობენ.

ბოლო წლებში სახელმწიფოს მხრიდან არაერთი მნიშვნელოვანი პროექტი ხორციელდება მცირე და მსხვილი ფერმერების მხარდასაჭერად (აწარმოე საქართველოში, დანერგე მომავალი და სხვა), ამის მიუხედავდ საქართველოში აგრარული სექტორი მაინც მრავალი პრობლემისა და გამოწვევის წინაშე დგას. უახლესი მონაცემებით, ბიზნესის დამფუძნებელი კაცები თითქმის ორჯერ აღემატება ამავე კატეგორიის ქალების რიცხოვნობას. თუ განვიხილავთ ეკონომიკური სექტორების მიხედვით, ბიზნესის მფლობელი ქალების შედარებით მცირე რაოდენობა გვხვდება სამთომოპოვებით მრეწველობაში, მშენებლობაში, ტრანსპორტის და დასაწყობების სფეროში და სოფლის მეურნეობაში. მეორეს მხრივ, მფლობელი ქალების რიცხოვნობა გაცილებით მეტია, კაცი მფლობელების რიცხოვნობაზე საქმიანობის ისეთ სფეროებში, როგორიცაა განათლება, ჯანმრთელობა და სოციალური მომსახურება და სხვა სახის მომსახურებები. აღნიშნულის ერთ-ერთ ძირითად გამოწვევად კი კვლავ განათლება  და ინფორმაციისხელმისაწვდომობა რჩება.

ქვემო ქართლი სასოფლო-სამეურნეო პროდუქციის წარმოების დიდი პოტენციალის მქონე რეგიონია, რაც განპირობებულია ნიადაგურ-კლიმატური პირობებითა და წარმოებული სასოფლო-სამეურნეო პროდუქციის მრავალფეროვნებით. ქვემო ქართლში სასოფლო სამეურნეო სავარგულები საშუალო ფართობი ერთ ფერმერზე 1.2 ჰა-ს შეადგენს, მათ შორის არის ლიკა კონცელიძის ვენახი, გოგო-მეწარმე, რომელიც ამსხვრევს სტერეოტიპებს.

***

ბლოგი მამზადებულია ქალთა საინფორმაციო ცენტრის პროექტის “ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“ ფარგლებში, რომელიც დანიური ორგანიზაცია KVINFO-სა და დანიის საგარეო საქმეთა სამინისტროს მხარდაჭერით ხორციელდება 

 

მარიამ სოლოღაშვილი
ბოლო ამბები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
 ღონისძიებები
 ქალთა საინფორმაციო ცენტრი ანალიტიკური სტატიების კონკურსს აცხადებს
სრულად 
 ანაზღაურებადი სტაჟირება ქალთა საინფორმაციო ცენტრში
სრულად 
 ქალთა საინფორმაციო ცენტრი აცხადებს კონკურს ბლოგების/ვლოგების/ფოტო რეპორტაჟების შექმნისთვის
სრულად 
 ვაკანსია: სოციალური მედიის მენეჯერი
სრულად 
ყველა სიახლე 
დაკავშირებული სტატიები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
ხშირად მაწუხებდა კითხვა, ოჯახი ხომ სიყვარულით იქმნება, ოჯახში ხო მთავარი სიყვარულია, სად არის ეს სიყვარული ჩემს ოჯახში?!’

ხშირად მაწუხებდა კითხვა, ოჯახი ხომ სიყვარულით იქმნება, ოჯახში ხო მთავარი სიყვარულია, სად არის ეს სიყვარული ჩემს ოჯახში?! დედას და მამას ერთმანეთი სძულდათ და არც იქნება გასაკვირი, რომ არც ჩემს მიმართ ამჟავნებდნენ სიყვარულს

სრულად