გენდერული სიახლეები
ქალთა კვლა დაუბადებელი ქალებიდან იწყება. ფეტიციდი და ფემიციდი სწორედ მავნე სტერეოტიპებისა და ძალადობის შედეგია
2022-10-24 12:53:34

"კაცის ტვინი აქვს", "ტექნიკური საგნები ბიჭებს უფრო ეხერხებათ", "კაცია და ეპატიება", "კაცმა უნდა გადადგას ურთიერთობაში პირველი ნაბიჯი", "პოლიციელობა რა გოგოს საქმეა?!", "კაცი ექიმი ჯობს ქალ ექიმს" და მრავალ სხვა გამოთქმას ვისმენთ ყოველ დღე, რომლებსაც იმდენად მივეჩვიეთ, რომ აღარც გვიკვირს ამ ყველაფრის გაგება. ყველა ამ გამონათქვამში იგრძნობა კაცის პრიორიტეტულობა ქალზე. 

სტერეოტიპები ადამიანზე მოქმედებას ემბრიონობის პერიოდიდან იწყებს, როდესაც ბავშვის სქესს გებულობენ ხშირია იმედგაცრუება, რადგან მამას "გვარის გამგრძელებელი" უნდოდა. უკიდურეს შემთხვევაში, ხდება სელექციური აბორტი. რთულია ზუსტი სტატისტიკის განსაზღვრა, რადგან ამგვარი აბორტები კეთდება სახლში, სარდაფში უკანონოდ  და მალულად, ორსულობის იმ ვადაზე, როდესაც ეს უკვე კანონით აკრძალულია.

ქალთა კვლა დაუბადებელი ქალებიდან იწყება. ფეტიციდი და ფემიციდი სწორედ მავნე სტერეოტიპებისა და ძალადობის შედეგია. რას ნიშნავს გენდერული თანასწორობა? რატომ იწვევს უთანასწორობა ასეთ სავალალო შედეგებს? თანასწორობა უპირველეს ყოვლისა ქალისა და მამაკაცისთვის თანაბარი შესაძლებლობების მინიჭებაში უნდა გამოიხატოს. თუ ქალს არ მივცემთ იგივე შესაძლებლობებს, რასაც მამაკაცს ვაძლევთ, იგი ვერასოდეს გახდება კარგი ექიმი, პოლიციელი, ფეხბურთელი, პარლამენტარი და სხვა. 

ბევრი იკითხავს: ვინ უშლით ქალებს ხელს წარმატების მიღწევაში? პასუხი მარტივია. როდესაც ქალი ოჯახს ქმნის, მასზე გადმოდის მთელი საოჯახო სამუშაოს შესრულების ტვირთი, ბავშვების მოვლისა და აღზრდის ჩათვლით. ,,აბა ღირსეული კაცი სახლში ჭურჭელს ხომ არ გარეცხავს და სახლს ხომ არ დაალაგებს?!’’. ქალს ორმაგი შრომა აწვება კისერზე, საშინაო და საგარეო. მას უნდა რომ საკუთარ საქმეში განვითარდეს, პროფესიულად რეალიზებული იყოს, მაგრამ ასევე ოჯახს უნდა მიხედოს. რათა ქმარი სახლში  რომ დაბრუნდება საჭმელი მზად იყოს, მისი ტანსაცმელი მოწესრიგებული, ბავშვები მოვლილი. 

ის ქალი კი, ვინც  მთელ საკუთარ ენერგიასა და დროს კარიერას უძღვნის, მაინც ვერ აღწევს სასურველ მიზანს, რადგან წამყვან პოზიციებზე ყოველთვის კაცი მოიაზრება, რადგან ბევრი პროფესია ქალისთვის "შეუფერებლადაც" კი მიიჩნევა საზოგადოებაში, ანდაც მხოლოდ იმ მარტივი მიზეზით, რომ ის ქალია, ,,სუსტი’’ სქესის წარმომადგენელი. 
იარლიყების მიკვრა მარტივია, მათ მოსაშორებლად კი ქალები მთელი ცხოვრება იბრძვიან და ზოგჯერ სწირავენ კიდეც საკუთარ სიცოცხლეს ამ საქმეს. 

საზოგადოებაში კაცის მიერ ქალის ღალატი ტრაგედიას არ წარმოადგენს. ბევრ ქალს საყოველთაო მოსაზრების გავლენით უპატიებია კაცისთვის ღალატი, თვალი დაუხუჭავს მასზე, რათა ოჯახი შეენარჩუნებინა. მაგრამ რა ხდება თუ ქალი უღალატებს საკუთარ მეუღლეს? როგორც ხშირ შემთხვევაში ხდება, ეს ფაქტი შეიძლება ქალისთვის ფატალური შედეგით დასრულდეს და მისმა საკუთარმა მეუღლემ იგი შესაძლოა სიცოცხლეს გამოასალმოს.  საბედნიეროდ, სახელმწიფოში გატარებული პოლიტიკის შედეგად, დამნაშავე არ დარჩება დაუსჯელი და სამართალდამცავები ყველაფერს გააკეთებენ ამისათვის. მაგრამ ბევრი ადამიანი ამ კაცს გაამართლებს, რადგან მან მათ წარმოდგენაში ოჯახის ,,ღირსება’’ დაიცვა. ეს იმ ადამიანთა კატეგორიაა, ვინც იგივე სიტუაციაში იგივენაირად მოიქცევა. თუ არ დავეხმარეთ მათ იმის გათვიცნობიერებაში, რომ არავის აქვს ადამიანის სიცოცხლის ხელყოფის უფლება და ღალატისთვის "სასჯელი" საკმარისია ქორწინების შეწყეტითაც შემოიფარგლოს. 

საქართველოში მომხდარა უფრო ტრაგიკული შემთხვევებიც. როდესაც ბაბუამ არასრულწლოვანი შვილიშვილი შეყვარებულთან ურთიერთობის გამო მოკლა. 

როდემდე უნდა იყოს ქალი ობიექტი და არა სუბიექტი?! ობიექტი, რომლის დედამთილიც პირველი ღამის შემდეგ ამოწმებს იყო თუ არა გოგო ქალიშვილი, ან როდესაც დედამთილს გოგო გინეკოლოგთან მიჰყავს, იმის გასარკვევად ჰქონია თუ არა მას როდესმე სექსუალური ურთიერთობა. როდემდე უნდა იყოს ქალის ფიზიოლოგია მისი პატიოსნების საზომი? სანამ ეს ასე იქნება, მანამდე ქალებს მოკლავენ, მოკლავენ იმიტომ რომ ის ქალია. 

***

ბლოგი მამზადებულია ქალთა საინფორმაციო ცენტრის პროექტის “ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“ ფარგლებში, რომელიც დანიური ორგანიზაცია KVINFO-სა და დანიის საგარეო საქმეთა სამინისტროს მხარდაჭერით ხორციელდება. 



 

გვანცა ჩიქოვანი
ბოლო ამბები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
 ღონისძიებები
 ქალთა საინფორმაციო ცენტრი ანალიტიკური სტატიების კონკურსს აცხადებს
სრულად 
 ანაზღაურებადი სტაჟირება ქალთა საინფორმაციო ცენტრში
სრულად 
 ქალთა საინფორმაციო ცენტრი აცხადებს კონკურს ბლოგების/ვლოგების/ფოტო რეპორტაჟების შექმნისთვის
სრულად 
 ვაკანსია: სოციალური მედიის მენეჯერი
სრულად 
ყველა სიახლე 
დაკავშირებული სტატიები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
ხშირად მაწუხებდა კითხვა, ოჯახი ხომ სიყვარულით იქმნება, ოჯახში ხო მთავარი სიყვარულია, სად არის ეს სიყვარული ჩემს ოჯახში?!’

ხშირად მაწუხებდა კითხვა, ოჯახი ხომ სიყვარულით იქმნება, ოჯახში ხო მთავარი სიყვარულია, სად არის ეს სიყვარული ჩემს ოჯახში?! დედას და მამას ერთმანეთი სძულდათ და არც იქნება გასაკვირი, რომ არც ჩემს მიმართ ამჟავნებდნენ სიყვარულს

სრულად