გენდერული ძალადობა
კონფერენცია: “მომავალი ძალადობის გარეშე!“
2020-12-24 10:20:25

23 დეკემბერს პროექტის “ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში” ფარგლებში გაიმარა კონფერენცია “მომავალი ძალადობის გარეშე! “.

საქართველოში მრავალი ქალი, ბავშვი და მოხუცი განიცდის ოჯახში ძალადობას. ოჯახში ძალადობის დანაშაული ხშირ შემთხვევაში აღიქმება, როგორც მხოლოდ ოჯახის საქმე და საზოგადოება დუმილს ამჯობინებს, რაც პოტენციურ მოძალადეს ხელსაყრელ პირობებს უქმნის ჩაიდინოს დანაშაული, ხოლო თავად დაზარალებული კი დუმს, რადგანაც ვერ გრძნობს ვერც ოჯახის სხვა წევრებისა და ვერც საზოგადოების მხარდაჭერას.
მნიშვნელოვანია საზოგადოებრივი ძალისხმევის კონსოლიდირება არა მხოლოდ კონკრეტული ფაქტების გარშემო, არამედ დანაშაულის ჩადენამდე. ამ პროცესში უმნიშვნელოვანესი როლი ეკისრება ყველა საგანმანათლებლო უწყებას.

კონფერენცია, მიეძღვნა საზოგადოების ერთობლივ მონაწილეობას ქალთა მიმართ ძალადობის წინააღმდეგ. 
კონფერენციაში მონაწილეობა მიიღო: დევნილი/კონფლიქტით დაზარალებული და ადმინისტრაციულ გამყოფ ზოლთან მცხოვრებმა მოსახლეობამ,  სკოლის დირექტორებმა და პედაგოგებმა საქართველოს რეგიონებიდან, სასულიერო პირებმა, კულტურის სფეროს, სახალხო დამცველის, სამოქალაქო სექტორის, მუნიციპალიტეტების წარმომადგენლებმა და სხვა დაინტერესებულმა პირებმა.

კონფერენციის მოდერატორი გახდა:
 

ელენე რუსეცკაია-ECRI-ს წევრი, ქალთა საინფორმაციო ცენტრის დირექტორი;

 

კონფერენციის მომხსენებლები გახდნენ:

  • ბავშვთა მიმართ ძალადობა და განათლების სისტემის როლი მის აღმოფხვრაში, ეკატერინე დგებუაძე - საქართველოს განათლების, მეცნიერების, კულტურისა და სპორტის მინისტრის მოადგილე
  • „მასწავლებლების მიერ ბავშვთა და ქალთა მიმართ ძალადობის შეტყობინება, ქცევა, დამოკიდებულებები და ნორმები“ - ნათია მესტვერიშვილი, გაეროს ქალთა ორგანიზაცია
  • „შშმ ბავშვები, ოჯახში ძალადობა და საზოგადოების დამოკიდებულება“- დავით მოსიაშვილი, დემეტრეს და მარიამის მამა, სოციალური საწარმო ,,დემა" დამფუძნებელი, ააიპ ,,მამიკო" დამფუძნებელი, აზიის განვითარების ბანკის ექსპერტი
  •  „სასულიერო პირებისა და ინსტიტუტების როლი ბავშვთა მიმართ ძალადობის აღმოფხვრის საქმეში:
  • მეუფე დოსითეოზი, ბელგიისა და ჰოლანდიის ეპისკოპოსი;
  • ადამ შანთაძე, მუსლიმთა სამმართველოს მუფტი
  • “ბავშვი, სკოლა და საზოგადოება“ - ლადო აბხაზავა, სოფელ ჩიბათის საჯარო სკოლის სამოქალაქო განათლების მასწავლებელი, 2019 წლის "მასწავლებლის გლობალური ჯილდოს“ ფინალისტი.

კონფერენცია გაიმართა ონლაინ აპლიკაცია zoom-ის მეშვეობით!

პროექტის შესახებ:

პროექტს „ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში“ ახორციელებს ქალთა საინფორმაციო ცენტრი, პარტნიორ ორგანიზაციებთან - მეგობრობის ხიდი „ქართლოსი“ (შიდა ქართლის რეგიონი), რეაბილიტაციის ცენტრი „თანაზიარი“ (სამეგრელო-ზემო სვანეთის რეგიონი) და ფონდ Humandoc-თან (პოლონეთი) ერთად, ევროკავშირის დახმარებითა და ფინანსური მხარდაჭერით.

პროექტის მიზნობრივი რეგიონებია შიდა ქართლი, სამეგრელო-ზემო სვანეთი.

პროექტის „ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში “მთავარი მიზანია ქალთა მიმართ და ოჯახში ძალადობის შემთხვევების პრევენცია და ამ შემთხვევებზე სწრაფი რეაგირება.
პროექტების შერჩევა მოხდა Covid-19-ით გამოწვეულ კრიზისზე სწრაფი რეაგირების ევროკავშირის მიერ გამოცხადებული საგრანტო კონკურსის შედეგად. აღნიშნული პროექტი წარმოადგენს Covid-19-ით გამოწვეული კრიზისის დასაძლევად ევროკავშირის მიერ საქართველოსთვის უზრუნველყოფილი დახმარების პირველი პაკეტის შემადგენელ ნაწილს და ასახავს Covid-19-ის კონტექსტში საქართველოში გენდერულ თანასწორობასა და მოწყვლადი ჯგუფების დახმარებასთან დაკავშირებით ევროკავშირის მიერ გაკეთებულ განცხადებაში დასმულ აქცენტებს.
 

ბოლო ამბები
კაზრეთი - დასაქმებას შეწირული ადამიანების ჯანმრთელობა

შეუძლებელია კაზრეთში გენდერული სამართლიანობის პრობლემა ეკოლოგიურ ჭრილშიც არ განვიხილოთ. ჩვენი რესპონდენტიც გვიდასტურებს, რომ ჰაერის დაბინძურების მხრივ სასიკეთოდ არაფერი შეცვლილა. კვლევებით დადგენილია, რომ სამთო-მომპოვებელი (ღია წესი) საბადოების გამო, დაბა და მთელი შემოგარენი სიმსივნის გავრცელების მხრივ ქვეყანაში ერთ-ერთი ლიდერია. 

სრულად 
როგორ დააღწიეს თავი ძალადობას ქალებმა

ასეთი შემთხვევები ბევრჯერ გვქონია, რომ ვუცემივარ, გვიჩხუბია და მერე ისევ შევრიგებულვართ. აქამდე იმიტომ არ განვაცხადე, რომ შვილი მყავდა და რა თქმა უნდა იმასაც ვფიქრობდი, ხალხი რას იტყვის, კიდევ რა იქნება...

სრულად 
 ღონისძიებები
 ანაზღაურებადი სტაჟირება ქალთა საინფორმაციო ცენტრში
სრულად 
 ქალთა საინფორმაციო ცენტრი აცხადებს კონკურს ბლოგების/ვლოგების/ფოტო რეპორტაჟების შექმნისთვის
სრულად 
 ვაკანსია: სოციალური მედიის მენეჯერი
სრულად 
 სატრენინგო ციკლი ე.წ ადმინისტრაციო სასაზღვრო ზოლთან მცხოვრები ქალებისთვის
სრულად 
ყველა სიახლე 
დაკავშირებული სტატიები
გურჯაანის მუნიციპალიტეტში ოჯახური კონფლიქტის დროს ბავშვი გარდაიცვალა

კახეთში, გურჯაანის მუნიციპალიტეტში, ქმარმა ცოლს, რომელსაც ხელში 8 თვის ჩვილი ეჭირა ფიზიკური შეურაცხყოფა მიაყენა, რა დროსაც ბავშვმა გონება დაკარგა და გარდაიცვალა

სრულად 
თანამედროვე ტექნოლოგიების საშუალებებით განხორციელებული ძალადობა - ქალთა მიმართ და ოჯახში ძალადობის ახალი ფორმა

თანამედროვე ტექნოლოგიები გვთავაზობს გენდერულ ძალადობაზე პრევენციისა და მათზე  რეაგირების ახალ გზებს.  თუმცა ამავდროულად,  თავი იჩინა ახალმა პრობლემამ -  მოძალადეების მიერ ტექნოლოგიების გამოყენებამ  მსხვერპლთა თვალთვალისა და კონტროლისათვის

სრულად 
სამტრედიაში ცოლის მკვლელობის ბრალდებით კაცი დააკავეს

შინაგან საქმეთა სამინისტროში აცხადებენ, რომ დაჭრილი ქალი შემთხვევის ადგილზევე გარდაიცვალა

სრულად