10 ნოემბერს ევროპა თანაბარი ანაზღაურების დღეს აღნიშნავს.
ამ დღესთან დაკავშირებით, ევროკომისიის წარმომადგენლებმა განცხადება გაავრცელეს, რომელშიც აღნიშნულია, რომ წელს ევროპაში თანაბარი შრომისთვის ანაზღაურებებს შორის გენდერული უთანასწორობა მხოლოდ მცირედით შემცირდა.
2020 წელს ევროპის ქვეყნებში ქალსა და კაცს შორის საშუალო ხელფასის განსხვავება 14,1%-ა და 2019 წელთან შედარებით ეს მონაცემი მხოლოდ 0,4% -ით (14,5%) გაუმჯობესდა.
”ევროპაში 2020 წლის მონაცემებით კაცის მიერ გამომუშავებულ ერთ ევროსთან შედარებით ქალი 85 ცენტს გამოიმუშავებს. პანდემიამ კიდევ უფრო გაამწვავა ეს სტრუქტურული გენდერული უთანასწორობა და ქალთა სიღარიბის რისკები გაზარდა ”, - ნათქვამია კომისიის განცხადებაში.
ევროპული პროფკავშირების კონფედერაციის მიერ ჩატარებულმა კვლევამ აჩვენა, რომ თუ ევროკავშირში ანაზღაურებებს შორის გენდერული სხვაობის შემცირებას ამ ტემპით გააგრძელებენ ის 2104 წლამდე არ აღმოიფხვრება.
მოხსენებაში ასევე ნათქვამია, რომ იტალიასა და გერმანიაში ეს შესაბამისად 2074-სა და 2121 წლამდე არ მოხდება, ხოლო საფრანგეთში, ამისთვის 1000 წელზე მეტი არის საჭირო.
ამასთან, ზოგიერთი ქვეყანა ანაზღაურებებს შორის გენდერულ თანასწორობას ამ ათწლეულში მიაღწევს. მაგალითად, რუმინეთში და ბელგიაში, სადაც უთანასწორობის აღმოფხვრას შესაბამისად 2022-სა და 2028 წლისთვის აპირებენ.