გენდერული ძალადობა
შინაგან საქმეთა სამინისტროს ცნობით, თბილისში 18 წლის ახალგაზრდა გაუპატიურებისა და ძალადობით ჩადენილი თვითნებობის ბრალდებით დააკავეს. უწყების განცხადებით, გამოძიებით დადგინდა, რომ ბრალდებულმა 25 წლის გოგოს, მისსავე საცხოვრებელ სახლში, სიტყვიერი და ფიზიკური შეურაცხყოფა მიაყენა, რის შემდეგაც, მსხვერპლის ნების საწინააღმდეგოდ, მასთან სქესობრივი კავშირი დაამყარა.
დანაშაული 6-დან 8 წლამდე ვადით თავისუფლების აღკვეთას ითვალისწინებს.
გამოძიება მიმდინარეობს საქართველოს სისხლის სამართლის კოდექსის 137-ე მუხლის 1-ლი ნაწილით და 360-ე მუხლის მე-2 ნაწილით, რაც გაუპატიურებას და ძალადობით ჩადენილ თვითნებობას გულისხმობს.
