საინტერესო
რუთ ბეიდერ გინსბურგი მეორე ქალია, რომელიც კაპიტოლიუმის შენობაში დაასვენეს
2020-09-25 17:13:55

აშშ-ს უზენაესი სასამართლოს მოსამართლე, რუთ ბეიდერ გინსბურგი, რომელიც 19 სექტემბერს, 87 წლის ასაკში კიბოთი გარდაიცვალა მეორე ქალი გახდა, რომელიც აშშ-ს კაპიტოლიუმის შენობაში დაასვენეს. გინსბურგამდე ერთადერთი ქალი, რომელსაც მსგავსი პატივი ერგო სამოქალაქო უფლებების დამცველი როზა პარქსი იყო.

ის ასევე პირველი ებრაული წარმოშობის ამერიკელი და უზენაესი სასამართლოს მეორე მოსამართლეა, რომელიც კაპიტოლიუმის შენობაში დაასვენეს. მანამდე მსგავსი სამოქალაქო პანაშვიდი უზენაესი სასამართლოს მხოლოდ ერთ მოსამართლეს, უილიამ ჰოვარდ ტაფტს გადაუხარეს, რომელიც აშშ-ს 27-ე პრეზიდენტიც იყო. ძირითადად სწორედ მხოლოდ პრეზიდენტებს, ვიცე-პრეზიდენტებს და კონგრესის გამოჩენილ წევრებს ერგებათ ხოლმე მსგავსი პატივი.

გინსბურგი მეორე ქალი იყო, რომელიც უზენაეს სასამართლოში დაამტკიცეს. უზენაესი სასამართლოს მოსამართლედ მან 27 წლის განმავლობაში იმსახურა.

ცერემონიას გინსბურგის ოჯახის წევრებიც დაესწრებიან. შესრულდება ნაწყვეტი მისი საყვარელი ოპერიდან. ცერემონიაზე დასწრებას გეგმავენ ყოფილი ვიცე-პრეზიდენტი, დემოკრატიული პარტიის პრეზიდენტობის კანდიდატი ჯო ბაიდენი და მისი მეუღლე. გინსბურგს არლინგტონის სასაფლაოზე, ქმრის გვერდით დაკრძალავენ.

კორონავირუსის გამო ცერემონიას კონგრესის ყველა წარმომადგენელი ვერ დაესწრება.

მანამდე გინსბურგის სამოქალაქო პანაშვიდი უზენაეს სასამართლოში გაიმართა, სადაც მას პატივი ათასობით ადამიანმა მიაგო, მათ შორის პრეზიდენტმა დონალდ ტრამპმა და პირველა ლედიმ, მელანია ტრამპმა. ტრამპს დახვდნენ შეძახილებით "შეცვალე ის არჩევნებით" (“vote him out”).

ტრამპი გეგმავს, რომ უახლოეს დღეებში გინსბურგის შემცვლელი წარადგინოს. სენატში, სადაც უმრავლესობა რესპუბლიკურ პარტიას აქვს, უკვე მოიპოვეს საკმარისი ხმები იმისათვის, რომ მოსმენის შემდეგ ტრამპის მიერ წარდგენილი კანდიდატი დაამტკიცონ.

სიცოცხლის უკანასკნელ დღეებში თავად გინსბურგმა საკუთარ შვილიშვილს მისწერა, რომ წინააღმდეგი იყო, მისი შემცვლელი ტრამპს დაესახელებინა და ეს მხოლოდ ნოემბრის არჩევნების შემდეგ, ახალ პრეზიდენტს უნდა გაეკეთებინა.

სენატის უმრავლესობის ლიდერმა მიტჩ მაკკონელმა თქვა, რომ თუ ტრამპი ამას გააკეთებს, მის მიერ წარდგენილ კანდიდატურას კენჭს უყრიან, მიუხედავად იმისა, რომ ბარაკ ობამას პრეზიდენტობის უკანასკნელ წელს ანტონინ სკალიას შემცვლელის არჩევის უფლება არ მისცეს. სკალიას შემცვლელად ნილ გორსაჩი 2016 წლის საპრეზიდენტო არჩევნების შემდეგ ტრამპმა წარადგინა და სენატმა დაამტკიცა. 2018 წელს, მიუხედავად სექსუალურ შევიწროებასთან დაკავშირებული ბრალდებებისა, უზენაესი სასამართლოს მოსამართლე გახდა ტრამპის მიერ წამოყენებული კიდევ ერთი კანდიდატი ბრეტ კავანო. მან ენტონი კენედი ჩაანაცვლა. ამჟამად უზენაესი სასამართლოს 9 წევრიდან 5 კონსერვატორია.

 

ბოლო ამბები
ქალთა მიმართ გენდერის ნიშნით შეუწყნარებლობის მოტივით ჩადენილი დანაშაული და მასთან დაკავშირებული მნიშვნელოვანი კონცეფციები

საქართველოში საკმაოდ მაღალია სიძულვილით მოტივირებული დანაშაულის ჩადენის მაჩვენებელი, რაც გულისხმობს სისხლის სამართლის კოდექსით გათვალისწინებული ისეთი განზრახი დანაშაულის ჩადენას, რომლის მოტივსაც წარმოადგენს კონკრეტული ნიშნის მატარებლის მიმართ სიძულვილი, შეუწყნარებლობა, ზიზღი თუ სტერეოტიპული დამოკიდებულება

სრულად 
სუპერ გმირი მოძალადე

სუპერ გმირების მოძალადედ გადაქცევა და ქალების პიროვნული კვდომა ნელ პროცესად წარმომიდგენია, და დიახ, მოძალადეებსაც დრო სჭირდებათ, რომ კარგად გამოიკვებონ ქალების თავისუფალი ენერგიით, ფსიქოლოგიურად დასტრესონ, უსუსურობა შეუსისხლხორცონ და დააჯერონ, რომ ზუსტად ასეთი ცხოვრებისთვის დაიბადნენ, რომ დახმარების ხელს არავინ გამოუწვდით.

სრულად 
 ღონისძიებები
 ქალთა საინფორმაციო ცენტრი ანალიტიკური სტატიების კონკურსს აცხადებს
სრულად 
 ანაზღაურებადი სტაჟირება ქალთა საინფორმაციო ცენტრში
სრულად 
 ქალთა საინფორმაციო ცენტრი აცხადებს კონკურს ბლოგების/ვლოგების/ფოტო რეპორტაჟების შექმნისთვის
სრულად 
 ვაკანსია: სოციალური მედიის მენეჯერი
სრულად 
ყველა სიახლე 
დაკავშირებული სტატიები
ეკატერინე გორგოძემ ფინალი მოიგო და როლან გაროსის ძირითად ბადეშია!

ქართველმა ჩოგბურთელმა ეკატერინე გორგოძემ (WTA:222) წარმატებით დაძლია საკვალიფიკაციო ტურნირის სამივე ეტაპი და როლან გაროსის ძირითად ბადეში ითამშებს

სრულად 
ევროკომისიის პრეზიდენტი: ეს იმიტომ მოხდა, რომ ქალი ვარ. მოხდებოდა ეს, კოსტუმით და ჰალსტუხით რომ ვყოფილიყავი?

ევროკომისიის პრეზიდენტი ურსულა ფონ დერ ლეიენი აცხადებს, რომ თურქეთში მომხდარი ინციდენტი, რომლის დროსაც სკამის გარეშე დარჩა, მის სქესს უკავშირდება

სრულად 
2020 წელს ნობელის პრემია ფიზიკაში სამ მეცნიერს მიაენიჭეს

2020 წელს ფიზიკის დარგში ნობელის პრემია მიენიჭათ ბრიტანელ როჯერ რენროუზს, გერმანელ რაინჰარდ გენცელს და ამერიკელ ანდრეა გეზს 

სრულად