მოზარდის გაუპატიურების ბრალდებით შსს-მ 68 წლის კაცი დააკავა. უწყება ამბობს, რომ კაცი მეზობლად მცხოვრებ არასრულწლოვანს წლების განმავლობაში აუპატიურებდა და ემუქრებოდა.
შსს-ს ინფორმაციით, ბრალდებული არასრულწლოვანს ფოტოსურათებს უღებდა და მომხდარის გახმაურების შემთხვევაში, ქონების განადგურებით და ოჯახის წევრების მოკვლით ემუქრებოდა. მამაკაცის მუქარას არასრულწლოვანი რეალურად აღიქვამდა, რის გამოც ის მომხდარს წლების განმავლობაში საიდუმლოდ ინახავდა.
დანაშაული 15-დან 20 წლამდე ვადით ან უვადო თავისუფლების აღკვეთას ითვალისწინებს.
გამოძიება წინასწარი შეცნობით არასრულწლოვნის გაუპატიურების ფაქტზე, საქართველოს სსკ-ის 137-ე მუხლის მე-4 ნაწილის ,,გ“ ქვეპუნქტით მიმდინარეობს.