გენდერული სიახლეები
პირველი პრეცენდენტი საქართველოში
2020-09-16 12:30:23

პირველად საქართველოში, ზუგდიდის და გორის მუნიციპალიტეტებში, ქალთა მიმართ ძალადობის ან/და ოჯახში ძალადობის აღკვეთის საკითხებზე სისტემური და კოორდინირებული მუშაობის უზრუნველსაყოფად შეიქმნა „მუნიციპალიტეტის ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისია“. კომისიებს მუნიციპალიტეტის მერი უხელმძღვანელებს.

კომისიები შეიქმნა განუსაზღვრელი ვადით და მისი უფლებამოსილება და საქმიანობის წესი განისაზღვრა დებულებით.

კომისიებმა მუნიციპალიტეტებში უნდა უზრუნველყონ:

  • ქალთა და ოჯახში ძალადობის მსხვერპლთა დაცვის მიზნობრივი პროგრამების განხორციელების კოორდინაცია და ხელშეწყობა; 
  • ქალთა და ოჯახში ძალადობის მსხვერპლთა გამოვლენის, აღრიცხვისა, დახმარების დანიშვნისა და გაცემის ორგანიზების და დაცვის შესაბამისი პროგრამების განხორციელების კოორდინაცია; 
  • ბავშვზე ძალადობის გამოვლენისა და ბავშვზე ძალადობის შესახებ ინფორმაციის მიღება და შესაბამის სახელმწიფო ორგანოსთვის მიწოდება; 
  • ქალთა და ოჯახში ძალადობის მსხვერპლთა დახმარების ხელშესაწყობად დამსაქმებლებთან, ბიზნეს ასოციაციებთან, გაერთიანებებთან და დასაქმების კერძო სააგენტოებთან თანამშრომლობის განვითარების კოორდინაცია და ხელშეწყობა; 
  • ქალთა და ოჯახში ძალადობის მსხვერპლთა გადაუდებელი დახმარების გაწევისა და დროებითი განსახლების ორგანიზების კოორდინაცია და ხელშეწყობა და ა.შ.

მუნიციპალიტეტების მერიის წარმომადგენლებთან ერთად უწყებათაშორისი კომისიის შემადგენლობაში შევიდნენ: სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს, საქართველოს განათლების, მეცნიერების, კულტურისა და სპორტის სამინისტროს ტერიტორიული ორგანოს, შინაგან საქმეთა სამინისტროს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, ომბუდსმენის ინსტიტუტის და სამოქალაქო საზოგადოების ადგილობრივი წარმომადგენლები. 

კომისია შეიქნმა ქალთა საინფორმაციო ცნერთან კონსულტაციების შედეგად, პროექტის “ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში” ფარგლებში , რომელიც ხორციელდება ევროკავშირის მხარდაჭერითა და ფინანსური დახმარებით, ორგანიზაციებთან „თანაზიარი“, მეგობრობის ხიდი "ქართლოსი" და Fundacja HumanDoc პარტნიორობით.

პროექტის საქმიანობა მოიცავს შიდა ქართლისა და სამეგრელოს რეგიონებს. 

პროექტის ერთ-ერთი მიმართულებას წარმოადგენს მიზნობრივი რეგიონების მუნიციპალიტეტებში ქალთა მიმართ ძალადობის ან/და ოჯახში ძალადობის აღკვეთის უწყებათაშორისი კომისიებისა და ამ მიმართულებით სწრაფი რეაგირების გეგმების შემუშავების ხელშეწყობა. 

ბოლო ამბები
თანამედროვე ტექნოლოგიების საშუალებებით განხორციელებული ძალადობა - ქალთა მიმართ და ოჯახში ძალადობის ახალი ფორმა

თანამედროვე ტექნოლოგიები გვთავაზობს გენდერულ ძალადობაზე პრევენციისა და მათზე  რეაგირების ახალ გზებს.  თუმცა ამავდროულად,  თავი იჩინა ახალმა პრობლემამ -  მოძალადეების მიერ ტექნოლოგიების გამოყენებამ  მსხვერპლთა თვალთვალისა და კონტროლისათვის

სრულად 
სამტრედიაში ცოლის მკვლელობის ბრალდებით კაცი დააკავეს

შინაგან საქმეთა სამინისტროში აცხადებენ, რომ დაჭრილი ქალი შემთხვევის ადგილზევე გარდაიცვალა

სრულად 
 ღონისძიებები
 ონლაინ საერთაშორისო ფემინისტური სკოლა
სრულად 
 საგრანტო პროგრამა ახალგაზრდებისთვის 
სრულად 
 ქალთა საინფორმაციო ცენტრი აცხადებს ვიდეო რგოლების კონკურსს 
სრულად 
 ბერტა ფონ ზუტნერის მშვიდობის პრემია 2020
სრულად 
ყველა სიახლე 
დაკავშირებული სტატიები
არგენტინის ქვედა პალატამ აბორტის დაშვების შესახებ კანონპროექტს მხარი დაუჭირა

არგენტინის პარლამენტის ქვედა პალატამ აბორტის ლეგალიზების შესახებ კანონპროექტს მხარი დაუჭირა

სრულად 
COVID-19 ის პანდემიის საპასუხოდ შემუშავებული სახელმწიფო ანტიკრიზისული გეგმა ქალების ეკონომიკური გაძლიერების კუთხით არსებული საჭიროებებისადმი მგრძნობიარობის ჭრილში

მსოფლიოში ახალი კორონა ვირუსით გამოწვეული გავლენების შემსუბუქების მიზნით, საქართველოს მთავრობამ კონკრეტული ღონისძიებები გაატარა, რომელთა უმრავლესობაც ერთჯერად ხასიათს ატარებდა

სრულად 
FAO ქალებისთვის საგრანტო კონკურსს აცხადებს

გაეროს სურსათისა და სოფლის მეურნეობის ორგანიზაცია (FAO) სოფლად მცხოვრები ქალების ცხოვრების ხარისხის გაუმჯობესების მიზნით, სასოფლო-სამეურნეო შრომის დამზოგველი მოწყობილობების ან დანადგარების შეძენაზე საგრანტო კონკურსს აცხადებს

სრულად