„ფეისბუქმა თავის პლატფორმაზე ქალი პოლიტიკისები ძალადობის, სექსიზმისა და სიძულვილის საფრთხეებისგან უნდა დაიცვას“- ნათქვამია წერილში, რომელიც აშშ-ს კონგრესის ქალი წევრებისა და ევროკავშირის წამყვანი ქალ პოლიტიკოსთა ინიციატივით დაწყებული კამპანიის „პოლიტიკა სექსიზმის გარეშე“ ნაწილი გახდა.

წერილში კანონმდებლები Facebook– გან მოითხოვენ იმ შეტყობინებების წასშლას, რომლებიც ქალი კანდიდატების მიმართ მუქარას,  შეურაცხმყოფელ განცხადებებს შეიცავენ და ასევე მათზე ყალბ ვიდეოების გავრცელებას უწყობს ხელს. წერილის ადრესატები Facebook– ის აღმასრულებელ დირექტორი მარკ ცუკერბერგი და მთავარი ოპერაციული დირექტორი შერილ სენდბერგი გახდნენ.

თავიანთ წერილში ქალი პოლიტიკოსები საპარლამენტო კავშირის მიერ ჩატარებული კვლევის მონაცემები მოჰყავთ, სადაც ნათქვამია, რომ სოციალური ქსელები ქალი პარლამენტარების მიმართ ფსიქოლოგიური ძალადობის ყველაზე გავრცელებული ადგილი გახდა.

ბოლო პერიოდში ფეისბუქს აკრიტიკებენ პოლიტიკურ რეკლამებში მოყვანილი ფაქტების არ გადამოწმების და მის პლატფორმაზე დეზინფორმაციის გავრცელების გამო.

კრიტიკის ფონზე Facebook-ი თავის სოციალურ ქსელში პოლიტიკური რეკლამების შემცირების საკითხს განიხილავს, რომელიც ასევე ყალბ ინფორმაციასთან  ბრძოლის პოლიტიკას უკავშირდება. თუმცა საბოლოო გადაწყვეტილება ჯერ არ არის მიღებული.