ავსტრალიელმა დეპუტატმა, ნიკოლ ფლინტმა, თავის Twitter- ზე გამოაქვეყნა ვიდეო, რომელშიც პოლიტიკაში სექსიზმი გააპროტესტა და ნაგვის ტომარაში გამოეწყო. ასე მან უპასუხა Sunday Mail- ის ჟურნალისტს, პიტერ გოუერს, რომელმაც თავის სტატიაში პოლიტიკოსი ქალის ჩაცმულობა გააკრიტიკა.

ვიდეოში ფლინტი საუბრობს იმაზე, თუ რა წინააღმდეგობებს აწყდება, როგორც ქალი პოლიტიკოსი. დეპუტატი არაერთხელ გამხდარა კრიტიკის ობიექტი კაცების მხრიდან. მისივე თქმით, ოფისში, სადაც ფლინტის საარჩევნო შტაბი იყო განთავსებული, მას თავს დაესხნენ. 

ფლინტი აცხადებს, რომ განსაკუთრებული აგრესიით გამოირჩევა ჟურნალისტი პიტერ გოუერსი, რომელიც მის გარეგნობას და ჩაცმულობის სტილს აკრიტიკებს. 

”რას უნდა ატარებდეს ქალი პოლიტიკოსი? იქნებ ნაგვის ტომარას… დროა ქალი პოლიტიკოსები შეაფასონ თავიანთი საქმიანობით და არა იმით, როგორ გამოიყურებიან“ - განაცხადა დეპუტატმა. 

Sick of sexist garbage?

I am, which is why I’m calling out @abcadelaide’s Peter Goers rubbish views about my appearance, published in yesterday's @theTiser Sunday Mail.

It’s time women in public life are judged on what they stand for, not what they look like. #GarbagelikeGoers pic.twitter.com/tk9DRyM0nN

— Nicolle Flint MP (@NicolleFlint) July 27, 2020

ვიდეო ავსტრალიაში ვირუსული გახდა და პოლიტიკური სპექტრის მხარდაჭერა მოიპოვა.