თბილისში, ჭადრაკში საქართველოს ქალთა 77-ე ჩემპიონატი გაიხსნა. ტურნირი ტარდება წრიული სისტემით 10 მონაწილეს შორის. გამარჯვებული და პრიზიორები, ქულათა მეტი რაოდენობის მიხედვით გამოვლინდებიან.
ჩემპიონატის საპრიზო ფონდი 30 600 ლარია. ფინალი 30 ივლისს გაიმართება.
სათამაშო დარბაზში შესვლამდე მონაწილეებს უტარდებათ თერმოსკრინინგი. ქალთა 77-ე ჩემპიონატი ჯანდაცვის სამინისტროს მიერ დადგენილი ყველა რეგულაციის დაცვით მიმდინარეობს.