საინტერესო
საქართველოს ბანკი ხუთ ევროპულ საფინანსო ინსტიტუტთან ერთად ქალთა გაძლიერების ხელშეწყობაზე აცხადებს
2020-07-07 09:16:23

„საქართველოს ბანკმა“ ხუთ ევროპულ საფინანსო ინსტიტუტთან ერთად (DEG, Finfund, FMO, SIFEM და Swedfund) 2X Challenge ინიციატივის მხარდაჭერის შესახებ განაცხადა. „საქართველოს ბანკის“ ინფორმაციით, ინიციატივა ქალი მეწარმეებისთვის ფინანსური ხელმისაწვდომობის ზრდას, მათი ბიზნესის მხარდაჭერასა და განვითარების ხელშეწყობას ისახავს მიზნად. 2X Challenge ინიციატივის შეერთებით „საქართველოს ბანკმა“ კიდევ ერთხელ ხაზგასმით აღნიშნა მისი მიზნები, რაც ქალებისთვის ხარისხიან დასაქმებასა და ეკონომიკურ პროცესებში აქტიურად ჩართულობის უზრუნველყოფას ითვალისწინებს.

„ბანკში დასაქმებულთა 40%-ზე მეტი ქალია და „საქართველოს ბანკს“ მნიშვნელოვანი წვლილი შეაქვს ქალთა როლისა და წინსვლის გაძლიერების მიმართულებით. ეს გამოიხატება ისეთ საკითხებშიც, როგორიცაა დეკრეტულ შევებულებასთან დაკავშირებული კომპენსაცია, პრემია ქორწინებისას და დამატებითი ანაზღაურებადი გამოსასვლელი დღეები“, - აღნიშნულია ინფორმაციაში.

„ჩვენ, „საქართველოს ბანკში“ ვცდილობთ ხელი შევუწყოთ გენდერულ თანასწორობასა და მრავალფეროვნებას, წავახალისოთ კულტურა, რომელიც აქტიურად აფასებს განსხვავებებს და აღიარებს, რომ სხვადასხვა გამოცდილებისა და ცოდნის მქონე ადამიანებს შეუძლიათ მნიშვნელოვანი წვლილი შეიტანონ სამუშაო პროცესსა და გარემოში. მოხარული ვარ, რომ 2X Challenge-მა აღიარა ბანკის წარმატებული პრაქტიკა ქალთა როლის გაძლიერების, ბანკის პოლიტიკისა და მის მიერ განხორციელებული პროგრამების მიმართ, რომელიც ქალთა დასაქმების, განვითარებისა და წინსვლის ბარიერების აღმოსაფხვრისაკენ არის მიმართული“, - განაცხადა „საქართველოს ბანკის“ გენერალურმა დირექტორმა არჩილ გაჩეჩილაძემ.

როგორც „საქართველოს ბანკში“ აცხადებენ, 2X Challenge-ის შექმნა 2018 წლის მსოფლიო ეკონომიკური ფორუმის გენდერული უთანასწორობის გლობალურ ანგარიშს მოჰყვა. მასში აღნიშნული იყო, რომ გენდერული დისბალანსის წინააღმდეგ, არსებული ტემპებით ბრძოლის შემთხვევაში, საჭიროა 202 წელი, რათა ეკონომიკურ პროცესებსა და თანაბარ გენდერულ შესაძლებლობებში განსხვავება დაიძლიოს.

„საქართველოს ბანკის“ ინფორმაციით, ინიციატივამ G7-ის ქვეყნებსა და სხვა საფინანსო ინსტიტუტებს მოუწოდა ძალების გაერთიანებისკენ, რათა 3 მილიარდი აშშ დოლარის მობილიზება მომხდარიყო, რაც განვითარებად ქვეყნებში ქალებისთვის ლიდერობის შესაძლებლობებისკენ წვდომას, ხარისხიან დასაქმებას, დაფინანსების მოპოვებას, ქალი მეწარმეების ეკონომიკურ პროცესებში ჩართულობასა და მხარდაჭერას უზრუნველყოფს. საფინანსო ინსიტუტების, როგორიცაა DEG, Finfund, FMO, SIFEM და Swedfund-ის გაერთიანებული ძალისხმევა არის მაგალითი იმისა თუ როგორ შეუძლიათ საფინანსო ინსტიტუტებს მხარი დაუჭირონ გენდერულ თანასწორობას. მიმდინარე მდგომარეობით, FMO-ს მიერ განხორციელებული 13 ინვესტიცია უკვე აკმაყოფილებლს 2X Challenge-ის კრიტერიუმებს, რის შედეგადაც 270 მლნ აშშ დოლარი მიმართულია ქალთა ეკონომიკური გაძლიერებისკენ.

ბოლო ამბები
ქალი პოლიტიკოსები მოუწოდებენ Facebook- ს დაიცვას ისინი ძალადობისა და სექსიზმის საფრთხეებისგან

წერილში კანონმდებლები Facebook– გან მოითხოვენ იმ შეტყობინებების წასშლას, რომლებიც ქალი კანდიდატების მიმართ მუქარას,  შეურაცხმყოფელ განცხადებებს შეიცავენ და ასევე მათზე ყალბ ვიდეოების გავრცელებას უწყობს ხელს

სრულად 
როგორც ანდაზა ამბობს...

სასოწარკვეთილებისას, ერთხელ თვითონაც გაიხსენა „ქალმა თუ გაიწია, ცხრა უღელი ხარ-კამეჩი ვეღარ გააკავებსო“ და ჩუმად, მაგრამ ჯიუტად და ყველა წესის დაცვით ჩამოწერა ტელეფონში  112-ის აპლიკაცია

სრულად 
 ღონისძიებები
 ბერტა ფონ ზუტნერის მშვიდობის პრემია 2020
სრულად 
 ქალთა საინფორმაციო ცენტრი აცხადებს კონკურსს ბლოგერებისთვის
სრულად 
 ქალთა საინფორმაციო ცენტრი მედია კონკურსს აცხადებს
სრულად 
 დისკუსია: საპარლამენტო არჩევნები და ქალთა პოლიტიკური მონაწილეობა
სრულად 
ყველა სიახლე 
დაკავშირებული სტატიები
ანტონიო გუტიერიში: სკოლების დახურვის გამო მსოფლიო თაობის კატასტროფის წინაშე დგას

2020 წლის ივლისის შუა რიცხვების მდგომარეობით, სკოლები დაახლოებით 160 ქვეყანაში დაიხურა, რაც გავლენას ახდენს 1 მილიარდ მოსწავლეზე. ამავე დროს, მინიმუმ 40 მილიონ ბავშვს არ აქვს წვდომა მოსამზადებელ და დაწყებით განათლებაზე

სრულად 
NDI: გამოკითხულთა 76% ევროკავშირში გაწევრიანებას, ნატო-ში კი 69% უჭერს მხარს

18-დან 34 წლამდე ასაკის გამოკითხულთა 66% მიიჩნევს, რომ საქართველოს მეტ სარგებელს მიიღებს ევროპული და ევროატლანტიკური ინტეგრაციით

სრულად 
ვენეციის კინოფესტივალის მთავარი კონკურსის ჟიურის თავმჯდომარე ქეით ბლანშეტი იქნება

ვენეციის საერთაშორისო კინოფესტივალის ორგანიზატორებმა ჟიურის წევრების სრული სია გამოაქვეყნეს

სრულად