ინდოეთში, ხანდაზმულთა და სექსუალური ძალადობის მსხვერპლთა თავშესაფარში მყოფ 57 არასრულწოვან გოგოს კორონავირუსი დაუდგინდა.

ინფიცირების ფაქტი ქვეყნის ჩრდილოეთ ნაწილში შტატ უტარ-პრადეში მდებარე ქალაქ კანპურში დაფიქსირდა.

აღსანიშნავია, რომ მედიის ინფორმაციით, 57-დან ხუთი გოგო ფეხმძიმედაა.

მომხდართან დაკავშირებით გამოძიება თავშესაფარში სექსუალური ძალადობის  ფაქტზე მიმდინარეობს.

ამ ამბავმა მოსახლეობაში აღშფოთება გამოიწვია, ხოლო ოპოზიციურმა პოლიტიკოსებმა განაცხადეს, რომ ეს ასახავს ხელისუფლების მხრიდან დაუდევრობას და გოგონებზე ზრუნვის ხარისხს.

ოპოზიციური პარტიის ლიდერებმა შეშფოთება გამოთქვამს თავშესაფარში შესაძლო სექსუალური ძალადობის გამო და შეახსენეს მთავრობას, რომ რამდენიმე წლის წინ გაუპატიურების შემთხვევები სხვა ასეთი ტიპის თავშესაფრებშიც დაფიქსირდა.

ინფიცირებულთა უმეტესობას დაავადების სიმპტომები არ აღენიშნებათ. ყველა მათგანი იზოლაციაშია.
თავსშესაფარში ამჟამად კარანტინია გამოცხადებული.

შეგახსენებთ, რომ ინდოეთი კორონავირუსით ინფიცირებულთა რაოდენობით მსოფლიოში მეოთხე ადგილზეა. ქვეყანაში 400 000-ზე მეტი ინფიცირებულია გამოვლენილი.