გენდერული ძალადობა
ომბუდსმენი: პანდემიის პირობებში ბავშვთა სიღარიბის, ძალადობისა და უგულებელყოფის საფრთხე გაიზარდა
2020-06-01 16:06:54

სახალხო დამცველი ნინო ლომჯარიას თქმით, ახალი კორონავირუსის პანდემიის პირობებში ბავშვთა სიღარიბის, მათ მიმართ ძალადობისა და უგულებელყოფის საფრთხე გაიზარდა. ბავშვთა საერთაშორისო დღესთან დაკავშირებით გავრცელებულ განცხადებაში, ომბუდსმენი აღნიშნავს, რომ პრობლემას წარმოადგენს განათლების მიღების შესაძლებლობა, რომელიც ხშირ შემთხვევაში ინტერნეტთან და კომპიუტერულ ტექნოლოგიებთან წვდომის არარსებობა იწვევს.

როგორც სახალხო დამცველი აღნიშნავს, კარანტინის რეჟიმი და იზოლაცია დამატებით დამთრგუნველ ფაქტორად იქცა და უარყოფითად აისახება ბავშვების ფსიქოლოგიურ მდგომარეობაზე.

"პანდემიის პირობებში ბავშვთა დაუცველი ჯგუფების მდგომარეობა კიდევ უფრო დამძიმდა. შეზღუდული შესაძლებლობის მქონე, სიღარიბეში მყოფი, სახელმწიფო ზრუნვაში და რელიგიურ სკოლა-პანსიონებში, ქუჩაში მცხოვრები არასრულწლოვნები არსებული რისკებიდან და საჭიროებებიდან გამომდინარე სახელმწიფოს მხრიდან მხარდაჭერის ეფექტური სისტემით უნდა სარგებლობდნენ", — ნათქვამია ომბუდსმენის განცხადებაში.

სახალხო დამცველი მნიშვნელოვნად მიიჩნევს, რომ განათლებისა და ჯანდაცვის სამინისტროებმა ვირუსთან დაკავშირებული რეკომენდაციები და პრევენციული ღონისძიებები ბავშვებს მათთვის გასაგები და თვალსაჩინო ფორმით მიაწოდონ. ის აღნიშნავს, რომ განსაკუთრებული ყურადღება უნდა მიექცეს რეგიონებსა და მაღალმთიან ადგილებში მცხოვრები არასრულწლოვნებისთვის ინტერნეტისა და კომპიუტერული ტექნოლოგიების ხელმისაწვდომობის საკითხს.

ოჯახში ძალადობის გაზრდილი რისკების შესაბამისად, ნინო ლომჯარია ამბობს, რომ პასუხისმგებელმა უწყებებმა პრევენციული ღონისძიებები უნდა გააძლიერონ და ეფექტური კოორდინაცია უნდა უზრუნველყონ.

"მნიშვნელოვანია, რომ თითოეულმა მოქალაქემ გაიაზროს ის საფრთხეები და რისკები, რის წინაშეც იმყოფებიან არასრულწლოვნები. ბავშვთა უსაფრთხოება და მათი ჯანმრთელობა, პანდემიის პირობებში, დიდწილად სწორედ მშობლებისა და მზრუნველი პირების სამოქალაქო თვითშეგნებაზე და მათი მხრიდან სამედიცინო სფეროს წარმომადგენლების მიერ გაცემულ რეკომენდაციების შესრულებაზეა დამოკიდებული", — აღნიშნა ომბუდსმენი.

როგორც ლომჯარია ამბობს, ახალი კორონავირუსის ბავშვებზე, განსაკუთრებით კი, ბავშვთა მოწყვლად ჯგუფებზე ზეგავლენის სამწუხარო შედეგებზე ლაპარაკობს არაერთი საერთაშორისო ინსტიტუტი, მათ შორის, გაერთიანებული ერების ორგანიზაცია და ევროპის ბავშვთა ომბუდსმენების ქსელი.

ბოლო ამბები
შიში

ამბავი, რომლის მოყოლაც მინდა - შიშზეა, ჩემს შიშზე. მაგრამ მიზეზი, რის გამოც ამ ამბავს გიზიარებთ, სხვისი შიშის, მსხვერპლის შიშის დანახვის, განცდის და გააზრების სურვილი და მცდელობაა

სრულად 
სასამართლომ ანა არგანაშვილის მოთხოვნა კარანტინიდან იზოლაციაში გადასვლაზე დააკმაყოფილა

საქალაქო სასამართლომ უფლებადამცველი ანა არგანაშვილის მოთხოვნა კარანტინიდან თვითიზოლაციაში შვილის გადაყვანაზე დააკმაყოფილა

სრულად 
 ღონისძიებები
 ქალთა საინფორმაციო ცენტრი აცხადებს კონკურსს ბლოგერებისთვის
სრულად 
 ქალთა საინფორმაციო ცენტრი მედია კონკურსს აცხადებს
სრულად 
 დისკუსია: საპარლამენტო არჩევნები და ქალთა პოლიტიკური მონაწილეობა
სრულად 
 ქალთა საინფორმაციო ცენტრი იწვევს ჟურნალისტებს ონლაინ ტრენინგში მონაწილეობის მისაღებად
სრულად 
ყველა სიახლე 
დაკავშირებული სტატიები
შიში

ამბავი, რომლის მოყოლაც მინდა - შიშზეა, ჩემს შიშზე. მაგრამ მიზეზი, რის გამოც ამ ამბავს გიზიარებთ, სხვისი შიშის, მსხვერპლის შიშის დანახვის, განცდის და გააზრების სურვილი და მცდელობაა

სრულად 
აქამდე...

კლასიდან ჩემი მოსწავლე გამოვიყვანე, ჩემი “ფემინისტი” გოგონა და ვუთხარი, რომ ქალები ისტორიას არასდროს წერდნენ…აქამდე…

სრულად 
სურამში ქმარმა ცოლი მოკლა 

შსს-ს ინფორმაციით, გამოძიება სისხლის სამართლის კოდექსის 109-ე მუხლის მეორე ნაწილის „ვ“ ქვეპუნქტით დაიწყო, რაც დამამძიმებელ გარემოებაში ოჯახის წევრის განზრახ მკვლელობას გულისხმობს.

სრულად