სამხრეთ აფრიკელმა მსახიობმა შარლიზ ტერონმა, გლობალური პანდემიის პირობებში, CARE– სა და Los Angeles Entertainment Industry Foundation– თან ერთად, წამოიწყო ახალი კამპანია Together For Her, რომელიც მიმართულია ქალთა მიმართ ძალადობის წინააღმდეგ.

View this post on Instagram

During this unprecedented global crisis, we are being told to shelter in the safety of our homes – but what if our homes aren't safe? For the millions of women and children around the world sheltering with their abuser, home can be dangerous. That's why in support of the global fight against domestic violence during the #covid19 crisis, @ctaop and I are joining forces with CARE and the Entertainment Industry Foundation in standing #TogetherForHer. My team is committing $1 million to COVID relief efforts, with $500,000 specifically designated towards our Together For Her campaign, supporting women against domestic violence through the provision of funds and resources to trusted domestic violence shelters around the world. Our rallying cry is this: Please join us in showing women experiencing domestic violence that they are not alone – we are behind them, with them, for them, #TogetherForHer.

A post shared by Charlize Theron (@charlizeafrica) on Apr 22, 2020 at 9:07am PDT

კამპაnნიაში 50-ზე მეტი სხვადასხვა ცნობილი ადამიანი ჩაერთო, მათ შორის: რიზ უიზერპუნი, მიშელ უილიამსი, სალმა ჰაიეკი, ლორა ლინი,  შერილ სანდბერგი, იმანი, სტელა მაკარტნი და სხ.

მსახიობმა 1 $ მილიონი გაიღო იმ ორგანიზაციებისთვის, რომლებიც COVID-19-ის შედეგებს ებრძვიან, ხოლო ნახევარი მილიონი მიმართული იქნება ოჯახში ძალადობის მსხვერპლთათვის თავშესაფრების მხარდასაჭერად.

”ამ უპრეცედენტო გლობალური კრიზისის დროს, ჩვენი უსაფრთხოებისთვის სახლში დარჩენისკენ მოგვიწოდებენ. თუმცა რა ხდება მაშინ, როცა ჩვენივე საცხოვრებლები არ არის უსაფრთხო სივრცე? მსოფლიოში მილიონობით ქალებისა და ბავშვისთვის, რომლებიც საკუთარი ოჯახის წევრების მხრიდან ძალადობას განიცდიან, სახლი შესაძლოა საშიშ ადგილად იქცეს”, - დაწერა მსახიობმა საკუთარ Instagram- ის გვერდზე.

ოსკაროსანი მსახიობი შარლიზ ტერონი პირველად თავისი ოჯახური ტრაგედიის შესახებ 2019 წელს ალაპარაკდა. შემთხვევა 28 წლის წინ მოხდა, როცა მსახიობი მხოლოდ 15 წლის იყო და მისმა ალკოჰოლზე დამოკიდებულმა მამამ მას და დედამისს 3 ჯერ ესროლა.

"არცერთი ტყვია არ მოგვხვდა, ეს სასწაული იყო. მაგრამ თავდაცვის მიზნით, მან [დედამ] საფრთხე შეაჩერა... ", - თქვა მსახიობმა.

მსახიობის თქმით, ძალადობა, რომელიც ოჯახში განიცადა, ის არის, რასაც ყველას უზიარებს. "არ მრცხვენია ამაზე საუბრის. რადგან რაც უფრო მეტს ვსაუბრობთ ამ საკითხებზე, მით უფრო მეტად ვიაზრებთ, რომ მარტო არ ვართ", - ამბობს მსახიობი.