გენდერული ძალადობა
საქართველოს პროკურატურა ოჯახში ძალადობასთან ეფექტიანი ბრძოლის მიზნით სოციოლოგიური კვლევის ჩატარებას გეგმავს
2020-05-06 10:19:49

საქართველოს გენერალური პროკურატურის მიერ დაგეგმილი „ოჯახში ძალადობასთან ბრძოლის პოლიტიკის ეფექტიანობა“ თემაზე სოციოლოგიური კვლევის დიზაინის პრეზენტაცია გაიმართა ოჯახში ძალადობის საკითხებზე მომუშავე სახელმწიფო უწყებებისა და არასამთავრობო სექტორის წარმომადგენელთა დისტანციურ შეხვედრაზე.

გენერალური პროკურატურის ინიციატივით 2020 წლის 5 მაისს გამართულ შეხვედრაზე  წარდგენილი კვლევის დიზაინის თანახმად, კვლევა მრავალმხრივი ინფორმაციის დამუშავების საფუძველზე განხორციელდება და რესპონდენტები ძალადობის მსხვერპლებთან ერთად, ქალთა მიმართ ძალადობის ან/და ოჯახში ძალადობის საკითხებზე მომუშავე პროფესიონალებიც იქნებიან.

შეხვედრაში მონაწილე მხარეებმა დაგეგმილი კვლევის მნიშვნელობაზე, მეთოდოლოგიასა და საორიენტაციო ვადებზე იმსჯელეს. ასევე, განიხილეს კვლევის ინსტრუმენტები.  

როგორც მონაწილეებმა აღნიშნეს, კვლევის შედეგები მნიშვნელოვანი იქნება ოჯახში ძალადობის წინააღმდეგ ბრძოლის მიმართულებით არსებული პრობლემების იდენტიფიცირებისა და მათი გადაჭრის გზების დასახვისთვის. ასევე იქნება შესაძლებელი სხვა აქტუალურ პრობლემებთან ერთად, გამოიკვეთოს რა გარემოებით არის გამოწვეული ოჯახური ძალადობის მსხვერპლთა მიერ მისივე ოჯახის წევრ მოძალადის წინააღმდეგ მამხილებელი ჩვენების მიცემაზე ან  სამართალდამცავებთან თანამშრომლობაზე უარი და რამდენად ეფექტურია ოჯახში ძალადობის წინააღმდეგ არსებული პრევენციის საშუალებები.

ოჯახში ძალადობის წინააღმდეგ ბრძოლა და დაზარალებულთათვის ეფექტიანი და დროული დახმარების უზრუნველყოფა, საქართველოს პროკურატურის ერთ-ერთი მთავარი პრიორიტეტია. ამ მიმართულებით საქართველოს პროკურატურის მიერ არაერთი მნიშვნელოვანი ღონისძიება განხორციელდა. ოჯახური ძალადობის შესახებ კვლევა მიზნად ისახავს სახელმწიფოს მხრიდან გატარებული პოლიტიკისა და განხორციელებული ღონისძიებების ეფექტიანობის შესწავლას, რაც შესაძლებლობას მოგვცემს განისაზღვროს - ხომ არ უნდა დადგეს დღის წესრიგში არსებული სისხლისსამართლებრივი პოლიტიკის გადახედვის საჭიროება, ასევე რამდენად არის იგი მიმართული მოძალადის დამოკიდებულებისა და ქცევის შეცვლისკენ.
 

ბოლო ამბები
კორონავირუსის რისკების შემცირების მიზნით, ორსულებისთვის ახალი პროექტი იწყება

საქართველოს მასშტაბით ორსულ ქალებს ეძლევათ უფასო ვირტუალურ სეანსებში მონაწილეობის შესაძლებლობა; წამყვანი გინეკოლოგებისაგან ისინი მიიღებენ პასუხებს მათთვის ყველაზე მნიშვნელოვან შეკითხვებზე

სრულად 
ზუგდიდში ქუჩებს მარო მაყაშვილისა და ლიდია პაპასკირის სახელები დაარქვეს

ზუგდიდის მუნიციპალიტეტის საკრებულომ უსახელო ქუჩებს რუსეთის ოკუპაციის წინააღმდეგ მებრძოლი ქალების - მარო მაყაშვილისა და ლიდია პაპასკირის სახელები დაარქვა

სრულად 
 ღონისძიებები
 ქალთა საინფორმაციო ცენტრი მედია კონკურსს აცხადებს
სრულად 
 დისკუსია: საპარლამენტო არჩევნები და ქალთა პოლიტიკური მონაწილეობა
სრულად 
 ქალთა საინფორმაციო ცენტრი იწვევს ჟურნალისტებს ონლაინ ტრენინგში მონაწილეობის მისაღებად
სრულად 
 შენმოქმედი - სამოქალაქო მოძრაობა ყველა ოჯახისთვის საქართველოში 
სრულად 
ყველა სიახლე 
დაკავშირებული სტატიები
აქამდე...

კლასიდან ჩემი მოსწავლე გამოვიყვანე, ჩემი “ფემინისტი” გოგონა და ვუთხარი, რომ ქალები ისტორიას არასდროს წერდნენ…აქამდე…

სრულად 
სურამში ქმარმა ცოლი მოკლა 

შსს-ს ინფორმაციით, გამოძიება სისხლის სამართლის კოდექსის 109-ე მუხლის მეორე ნაწილის „ვ“ ქვეპუნქტით დაიწყო, რაც დამამძიმებელ გარემოებაში ოჯახის წევრის განზრახ მკვლელობას გულისხმობს.

სრულად 
კაცს, რომელმაც ქალის დაწვა სცადა, პატიმრობა შეუფარდეს

დაკავებულისთვის წარდგენილი ბრალი 16-დან 20 წლამდე თავისუფლების აღკვეთას ითვალისწინებს

სრულად