მოგეხსენებათ, მარნეულის მუნიციპალიტეტი კოვიდ-19 ის ეპიდ აფეთქების გამო საკარანტინე ზონად არის გამოცდახებული და შეზღუდულია მუნიციპალიტეტში მიმოსვლა, რაც დამატებით ხელს უშლის ფერმერი ქალების მოსავლის რეალიზაციას.
მარნეულის მუნიციპალიტეტის სოფელ მარადისში მცხოვრები ნაირა ბოლქვაძე წუხს, რომ მოყვანილ სალათის ფურცელს ვერ ყიდის.
მარნეულის ტელევიზიასთან საუბრისას ფერმერი ამბობს, რომ წლებია სოფლის მეურნეობითაა დაკავებული და 4 სათფურში 6 სახეობის სალათის ფურცლის მოსავალის რეალიზაციას ვერ ახერხებს.
ნაირა ბოლქვაძე აცხადებს, რომ მზადაა ფურცლების ერთი კილო 1 ლარადაც გაყიდოს, რადგან მოსავალი უფუჭდება.
შეგახსენებთ, რომ მარნეულის მუნიციპალიტეტის სოფელ მარადისში ქალებმა, მათ შორის ნაირა ბოლქვაძემ, COVID-19-ით ინფიცირებულ ოჯახს კარტოფილის მოსავალი შეუნარჩუნეს.
ადგილობრივმა აქტიურმა ქალებმა, სარეველაშერეული ნაკვეთი გათოხნეს და ოჯახს, რომლის წევრებიც ახლა საავადმყოფოში მკურნალობენ, შემოსავლის ერთადერთი წყარო არ დაუკარგეს.
დღეს კი თანადგომა და დახმარება ნაირა ბილქვაძეს სჭირდება. დავეხმაროთ მარადისელ ფერმერს სალათის ფურცლების რეალიზაციაში.