მას შემდეგ, რაც გაერთიანებულ სამეფოში Covid-19– ის პანდემიის გამო კარანტინი გამოცხადდა. ოჯახური დანაშაულის ნიშნით მინიმუმ 16 მკვლელობა განხორციელდა, რაც ორჯერ აღემატება შესაბამისი დანაშაულების სტატისტიკას ამ პერიოდისთვის.

პოლიციის განცხადებით, ლონდონში ბოლო ექვსი კვირის განმავლობაში, ოჯახში ძალადობის შემთხვევებზე შემოსული ზარების რაოდენობა სამჯერ გაიზარდა, ქვეყანაში ყოველდღიურად ასეთი ტიპის დანაშაულისთვის 100-მდე მოძალადეს აპატიმრებენ, ხოლო დაფიქსირებული ინციდენტების რაოდენობა გასულ წელთან შედარებით 9% -ით გაიზარდა. როგორც  ბრიტანეთის შინაგან საქმეთა მინისტრმა განაცხადა.

ქვეყანაში თვითიზოლაციის წესები შეიძლება დაირღვეს იმ შემთხვევაში, თუ არსებოს ოჯახში ძალადობის საფრთხე ან თუ პირი ძალადობის მსხვერპლი გახდა.

დიდ ბრიტანეთში კორონავირუსის ეპიდემიის გავრცელების გამო დაწესებული კარანტინის რეჟიმი ხუთი კვირაა მოქმედებს და 6 მაისამდე გრძელდება. მოქალაქეებს სახლიდან გამოსვლა მხოლოდ პროდუქტების შესაძენად და გადაუდებელი აუცილებლობის დროს შეუძლიათ.