ლათინური ამერიკის ქვეყნებში საგანგაშოდ გაიზარდა ბავშვთა მიმართ სექსუალური ძალოდობის ფაქტები და ისეთი დანაშაული, როგორიცაა ინცესტი.
ბოლივიის პოლიციის ოფიციალური სტატისტიკის მიხედვით, ქვეყანაში კარანტინის შემოღების შემდეგ დღეში საშუალოდ 40-დე ბავშვზე ძალადობის შემთხვევა ფიქსირდება.
როგორც არასამთავრო ორგანიზაცია Brisa De Angulo's charity აცხადებს, მათ ცხელ ხაზზე დახმარების მიზნით ასობით გოგონამ დარეკა, რომლებიც საკუთარ სახლებში მოძალადეებთან ჩაკეტილები აღმოჩნდნენ.
პერუში კარანტინის პირველი 17 დღის განმავლობაში 17-ზე მეტი არასრულწლოვანისა და სულ 43 გაუპატიურების შემთხვევა დაფიქსირდა.
კოლუმბიაში ორჯერ გაიზარდა მიმართვიანობა ძალადობის მსხვერპლთა დახმარების ცენტრში და შემთხვევების 77% ქალთა მიმართ ძალადობას უკავშირდება.
გაერომ COVID -19 პანდემიის დროს გენდერული ნიშნით ძალადობა შეაფასა, როგორც მზარდი "ჩრდილოვანი პანდემია".
ახლახანს 130-ზე მეტმა უფლებადამცველმა ჯგუფმა ხელი მოაწერა ღია წერილს, რომელშიც ლათინური ამერიკის ქვეყნების მთავრობებს, გოგონების დასაცავად ზომების გაფართოვებისკენ და სექსუალური ძალადობის წინააღმდეგ ბრძოლისკენ მოუწოდა.
როგორც წერილში ნათქვამია „ქალთა მიმართ ძალადობა გახდა "უხილავი რეალობა" და ის სასწრაფო ჩარევას მოითხოვს“.