მოვლენები
პორტუგალიამ ყველა მიგრანტს და თავშესაფრის მაძიებელს მოქალაქეობის სრული უფლებები დროებით მიანიჭა. კოროვირუსის პანდემიის გამო შემოღებული კარანტინის დასრულებამდე, მიგრანტებს ქვეყნის ჯანდაცვის ყველა სერვისებზე სრული წვდომა ექნებათ, წერს CNN.
ეს გადაწყვეტილება ცალსახად უზრუნველყოფს ყველა უცხო ქვეყნის მოქალაქის უფლებას, რომელთა განაცხადები მოქალაქეობის მიღებასთან დაკავშირებით პორტუგალიის საიმიგრაციო ცენტრში განიხილება.
„გადაწყვეტილება 30 ივნისამდე ქვეყნის მთელ ტერიტორიაზე მოქმედებს", - წერია პორტუგალიის მინისტრთა საბჭოს განკარგულებაში.
ამ განკარგულებით, პორტუგალიის მთავრობა იმედოვნებს შეამციროს საზოგადოებრივი ჯანმრთელობის რისკები.
დღეის მდგომარეობით, პორტუგალიაში ოფიციალურად კორონავირუსის 8251 დადასტურებული და 187 გარდაცვალების შემთხვევაა დარეგისტრირებული. ქვეყანაში ინფიცირების პირველი შემთხვევა 2 მარტს დაფიქსირდა.
